HyperDeepScrap

TXATAR FERRIKOAREN TRATAMENDUKO HONDAKINEN SAILKATZAILE AURRERATUA

ARCELOR MITTAL (AM) SESTAOK KALITATE HANDIKO ALTZAIRUZKO PRODUKTU LAUAK egiten ditu arku-labe elektrikoan birziklatutako txatarrarekin. Baina eragozpen bat dago: txatarrak hondakin kaltegarri batzuk ditu (kobrea (Cu), eztainua (Sn), kromoa (Cr), nikela (Ni), etab.). Fabrikazio-prozesuan ezin direnez ezabatu, diluitu egin behar dira ekoitziko den altzairuaren kalitatea bermatzeko. Hori dela eta, AM Sestaok historikoki lehengaien nahasketa bat egin du: alde batetik, kalitate handiko txatar inportatua (% 60 eta % 85 artean); eta bestetik, beroan brikete bihurtutako edo zuzenean txikitutako burdina (HBI/DRI, % 15 eta % 40 artean). Hala ere, 2017tik AM Sestao bertako txatarra kontsumitzearen alde egiten ari da % 100ean. Testuinguru berri horretan, txatarra tratatzeko instalazio bat martxan jartzea interesgarria izan liteke instalazioaren emaitza operatiboak hobetzeko.

Gaur egun, Euskadiko industria siderurgikoak urtean 8,3 milioi tona birziklatzeko gaitasuna du, hau da, urtean 2,2 milioi euro. HyperDeepScrapek, alde batetik, AM Sestaori Europan txatarrarekin eta arku-labe elektrikoari esker kalitate handiko altzairuzko produktu lauak fabrikatzen dituen enpresa gisa kokatzeko aukera emango dio, eta, beste aldetik, AM Basque Country Research Centreri munduko erreferentziazko I+G+b zentro gisa kokatzeko aukera emango dio, txatarraren kudeaketari buruzko teknologien garapenean. TEKNIKER Zentro Teknologikoak ere parte hartu du proiektuan.

MOTIBAZIO-FAKTOREA

Ekoizpen-teknika hobeak

HELBURUAK

AM Sestaori txatar ferrikoa karakterizatzeko tresna aurreratuak ematea, lehengai nagusi gisa zaharkitutako txatarra erosteko estrategiak optimizatu ahal ditzaten.
Txatarra garbitzeko industria-prozesuen teknologiei eta gaitasunei buruz gehiago ikastea.
Garbiketa prozesuetatik datozen hondakinmaterialen banaketa xehetasunez aztertzea eta haien errebalorizazio-ahalmen eta -prozesuek ingurumenean duten eragina ebaluatzea.
Industria-baldintzetan dauden txatarra-fluxu prozesatuetan materialak automatikoki sailkatzeko teknologia berriak garatzea.
Energiaren eta ferroaleazioen zein urgarrien kontsumoa murriztea.

EMAITZAK

Txatarraren kalitatea hobetu da txatar zatikatua berriro zatitzean eta material ez-ferrikoak eta ez-metalikoak murriztean (Cu % 0,20 jaitsiz, itxuraren dentsitatea % 50 igoz eta Fe-ren edukia igoz).
Inpaktu-kategoria gehienek hoberantz egin dute (% 30 eta % 50 artean). Hobekuntza ebaluatzeko produktuaren bizi-zikloaren analisi bat egin da (BZA), eta bertan sailkapena duten txatarrak ez dutenekin alderatu dira.
Material ferrikoen sailkatzaile pilotu bat garatu da, zeina Cu, Ni, Zn, Al eta beste material esterilen pixeletako portzentajea detektatzeko gai den kamera hiperespektralek eskuratutako irudien bidez.

ONDORIOAK

Txatarra garbitzeko erabiltzen diren tekniken potentzial teknikoa, ekonomikoa eta ingurunekoa handia da, eta lortutako emaitzak ikusita, lan-ildo berriak ireki dira txatarra ferrikoaren kalitatea hobetzeko.
Material ferrikoen sailkatzaile pilotu bat garatzeak material kaltegarriak detektatzea ahalbidetzen du, eta horrek prozesu siderurgikoa hobetzeaz gain sailkatzaileak bereizitako materialak balorizatzea ahalbidetzen du. Horrek arku-labe elektrikoaren prozesuan eragiten duten ingurumen-inpaktua murrizten du, eta urgarriak eta sortutako hondakinak murrizten ditu (zepa eta isuriak).

INGURUMENEKOA

TEKNIKOA

EKONOMIKOA

KOMERTZIALA