Makineria

Ihobe Eusko Jaurlaritza

RESTYLING

TICKETING-MAKINEN BALIO-BIZITZA LUZATZEA

Ticketing-makinei eta kobrantza kudeatzeko makinei esker, horiek erabiltzen dituzten enpresek (garaje publikoak, unibertsitateko edo enpresetako jantokiak, polikiroldegiak, musika-ekitaldiak, ostalaritza, farmaziak eta estankoak, besteak beste) zerbitzu espezifiko baten erabiltzaileek zerbitzu hori eskuratzea eta/edo ordaintzea kudeatu ahal dute. SITECOk, zeina makina mota horien fabrikatzailea baita, renting-, mantentze- eta aholkularitza-zerbitzuak eskaintzen dizkie bezeroei online, eta bere produktuak sendotasun- eta iraunkortasun-irizpideen arabera fabrikatzen ditu. SITECOrentzat, garrantzitsua da duela 15 edo 20 urte instalatu zitzaizkien SITECO makinak dituzten enpresekin lan egitea, makina horiek berritu egin behar baitira. Bestalde, sektoreari dagokionez, oro har, prezio nabarmen baxuagoak dituzten enpresa lehiakideak sartu dira merkatuan.

SITECO izan da RESTYLING proiektuaren buru, eta ZICLA ekonomia zirkularreko aholkularitza-enpresaren eta GRUNVER SOSTENIBILIDAD bizi-zikloaren arterketaren (BZA) espezialistaren laguntza izan du.

SITECO SL
HELBURUAK
  • SITECOk fabrikatutako makinen balio-bizitza luzatzea eta, horrela, hondakin elektriko eta elektronikoak sortzea saihestea, eta, aldi berean, makina zaharrenen bezeroak mantentzea, ingurumenari dagokionez lagunkoiagoak diren eta prezio erakargarriagoa duten makinen eskaintzaren bidez.
  • Birmanufaktura-prozesuaren behar teknikoak diagnostikatzea.
  • Birmanufaktura-prozesua gutxienez SITECOko 6 benetako makinarekin egitea.
  • Lehengoratutako makinaren funtzionamendua baliozkotzea bezeroak, hainbat aplikaziotan.
  • Prozesuaren kostuak jakitea.
  • Merkatuan birmanufaktura-zerbitzuen zuzeneko hornitzaile aitortu gisa posizionatzea.
EMAITZAK
  • Makina berri baten fabrikazioaren eta salmentaren aldean, birmanufakturatutako makina bakoitzeko 94 kg CO2 baliokide aurreztea.
  • 4 5RC makina eta 2 RC mini makina birmanufakturatzea. Hala bada, 6 makinak merkatuan sartu dira, makina berri baten ordez produktu birmanufakturatua eskaini zaion bezero baten beharretara egokitu ondoren.
  • Makina ezarri den enpresako barne-lanerako birmanufaktura-protokoloa. Bertan, desmuntatze-prozesuak eta piezen helmuga jasotzen dira (birziklatzea, bezeroen beste makina zahar batzuetarako ordezko piezak, edo birmanufakturatutako makinetarako piezak).
  • Birmanufaktura-prozesuaren analisiaren emaitzak: 1,75/5 faktore orokorretarako, eta 1,98/5 birmanufakturarako faktore garrantzitsuetarako, IHOBEk emandako REMANEX metodologiaren arabera. Kategorien araberako emaitzarik onena baliabideen kudeaketa da (2,75/5).
  • % 14ko ekarpena enpresaren fakturazioari, kobrantza kudeatzeko makinen eta ticketing-makinen lerroan.
ONDORIOAK
  • Prozesuaren alderantzizko logistika funtsezkoa da ekonomia- eta ingurumen-bideragarritasunerako: birmanufakturatutako makina bat enpresa bezerora eramateko garraioa aprobetxatzea makina zaharra jaso eta instalaziora eramateko, eta, ondoren, birmanufakturatu eta hurrengo bezeroari eskaintza egiteko.
  • Birmanufaktura-prozesuetan hobetzeko aukerak oso zabalak dira, eta RESTYLINGen agerian geratu da IHOBEk prestatu eta emandako REMANEX galdetegiarekin. Horren arabera gutxien bete diren faktoreak instalazioko hobekuntza-lanaren parte dira orain.
  • Biltegiko piezen eta osagaien kudeaketa faktore garrantzitsua da beti, baina bereziki garrantzitsua bihurtu da horniduren krisiagatik. Ildo horretan, bereziki interesgarria da SITECOk proposatutako eredua, hau da, makina zaharren ordezko piezak metatzea, ticketing- eta kobrantza-makinak oraindik aldatuko ez dituzten enpresa bezeroetan erabiltzeko.
  • IHOBEk 2022an ZIRKULARRAK deituriko bi erakusketa antolatu zituen, Euskadin diseinatu eta gauzatutako produktu zirkularrak hedatzeko eta balioztatzeko. SITECOk bietan hartu zuen parte; RESTYLINGen egindako jardueretatik eratorritako makina birmanufakturatu bat jarri zuen.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK