TERMOSLAG
SENTSORE BATEN GARAPENA ARKU ELEKTRIKOKO LABEETAN ZEPAREN PASOA ONLINE KONTROLATZEKO
ARKU ELEKTRIKOKO LABEAN IRAULKETA-PROZESUA ASKO IKERTU DA, baina operatiboki oraindik ezin da antzeman zepa labetik zalira pasatzen hasten den une zehatza, eta horrek prozesu optimizatua izatea eragozten du. Zeparen pasaera kontrolatzeko gaur egungo ekipamendua kamera termografiko bat da, eta iraulketan zehar zurrustaren aurreko azaletik igarotzen den zepa bakarrik neurtzen du; horrela, iraulketan barrualdetik edo atzealdetik doan oro ikusezina da kontrolarentzat. Gaur egun dauden muga horiek eragotzi egiten dute online jasotako informazioak irudikatzea zer den iraulketaren unean benetan gertatzen ari dena.
Altzairua fabrikatzen eta eraldatzen duen enpresa da SIDENOR, eta Europan aitzindaria da altzairu bereziko produktu luzeen segmentuan.
MOTIBAZIO-FAKTOREA
HELBURUAK
- Arku elektrikoko labeko altzairu likidoa iraultzean zeparen pasaera online kontrolatu ahal izatea Eccentric Bottom Tapping (EBT) bidez, online sentsore bat garatuz.
- Altzairura pasatzen den zepa kopurua murriztea.
- Lehengaien eta energiaren kontsumoa murriztea, prozesua ahalik eta gehien optimizatuta.
- Altzairuaren kalitatea hobetzea, zepa pasatzeagatik altzairuak zeparen Si edo Mn berreskuratzea saihestuz.
EMAITZAK
- Oro har, lortu da altzairuaren barne-kalitatea nabarmen hobetzea, kostuak murriztea eta baliabideen erabilera efizienteagoa izatea.
- Bigarren mailako metalurgia-prozesuak optimizatu dira arku elektrikoko labetik zeparen pasaera zehaztasunez monitorizatzeari esker, orain arte kontrolatu gabeko prozesu-parametroa baita.
- Altzairua iraultzean igarotzen den zepa minimizatu da (% 10eraino) informazioa sendotuz.
- Defosforazioa murriztu da, garbitasuna eta isurgarritasuna hobetu dira, aleazioen errendimendua handitu da, desoxidatzaileen erabilera murriztu da eta energia elektrikoaren kontsumoa murriztu da. Isurietan aurreztu denarekin 970 tona CO2 aurreztu dira.
ONDORIOAK
- Sentsore birtuala garatu izanak lagundu du finketaetapa optimizatzen. Izan ere, prozesu siderurgikoaren guztizko isurien % 20 eragiten du, baina baliagarria da, halaber, zepa pasatzeak izan duen eragina aztertzeko gaur egun aurre egin ezin izan zaien finketa-etapako beste parametro batzuetan.
- Beharrezkoa da sistemaren balioestea denboratarte luzeagoan egitea, SIDENORen ekoizpenaren gradu eta kasuistika guztiak kontuan hartuta, sistemaren balioa benetan frogatu ahal izateko.
INGURUMENEKOA
TEKNIKOA
EKONOMIKOA
KOMERTZIALA
MERKATUAN