ELEKTROZULAKETA
PUNTZOI-ETXE BATEN EKODISEINUA MAKINAERREMINTA BATEAN
MAKINA-ERREMINTAREN SEKTOREKO ENPRESEK, BEREN SEKTORE-ERAKUNDEEN BITARTEZ, ingurumena hobetze kokonpromiso kolektiboak hartu dituzte Europa mailan, isurketak murrizteko asmotan. Horretarako, ahalegin handia eskatzen duten ikerketa-ekimenak egin dituzte bizi-zikloaren ikuspegitik. FAGOR ARRASATEk, konformazio-instalazioen fabrikazioan liderra denak, badaki diseinatzen dituen produkzio-lerroek ingurumen-kostu handia dutela erabilera-fasean (ekoizpena enpresa bezeroaren etxean) eta proportzionalki baztertzeko modukoa dela eraikuntza-fasean. Beste aldetik, kooperatiba denez gero, izaera aldetik sozialki arduratsua da eta ingurumenarekiko errespetua du, eta badaki gizarteingurunearekin duen harremanak gero eta hobea izan behar duela.
ELEKTROZULAKETAk ere kezka hori dauka, zisne-lepo erako miniprentsa baten (6-10Tn) puntzoi-etxearen unitatearen (UPP) produktuari aplikatuko zaio, eta bere birdiseinuagatik eragingailu hidraulikoa serboelektrikoagatik aldatu da. Horretarako, FAGOR ARRASATE eta MONDRAGON UNIBERTSITATEAko Goi Eskola Politeknikoaren Mekanika Saila lankidetzan aritu dira.
MOTIBAZIO-FAKTOREA
HELBURUAK
- UPP produktua birdiseinatzea eragingailu elektriko bat erabiliz hidrauliko baten ordez, antzeko ezaugarri teknikoak (kadentzia, indarra, etab.) eta eraginkortasunaren hobekuntzak lortzea ahalbidetzen duena.
- Erabilera fasetik olio hidraulikoen erabilera kentzea.
- Erabilera faseko elektrizitate-kontsumoa % 30 baino gehiago gutxitzea.
- Erabilera faseko bizarretatik eratorritako akastunak % 30 murriztea.
- Fabrikazio faseko ingurumen-aztarna murriztea.
- Fabrikatutako industria-lerroaren iraunkortasuna handitzea, berrerabilera barne.
EMAITZAK
- Energia-kontsumoaren eraginkortasuna % 37 handitu da, serboeragingailua duen UPP berriaren ondorioz.
- Ebaketa-abiadura kontrolatzean akastunak murriztu dira eta kalitatea hobetu da, ziklo-denborari kalterik eragin gabe.
- CO2-ren baliokidearen isurpena % 34 murriztu da, eta urtean 4.100 tona aurreztea lortu da.
- Fabrikazio unitarioko kostua % 2 murriztu da.
- Enpresaren fakturazio globalari % 5eko ekarpena egin zaio.
ONDORIOAK
- Unitateak exekutatzea gero eta zailagoa da aplikatu beharreko karga handitzen den heinean, nahiz eta ez den muga kritikoa puntzoi-etxeetan.
- Osagai hidraulikoen ordez serboeragingailuak sartzeak makinen eta mantentze-langileen prestakuntza handiagoak eskatzen ditu.
- FAGOR ARRASATEk, lehentasunezko enpresa bezeroarekin harremanetan jarri ostean, ELEKTROZULAKETAren garapenaren araberako unitate elektrikodun lerro bat diseinatu eta egin du. Gerora, diseinu berriak ematen dituen abantailak ikusita, herrialde garatuetako instalazioetarako aurkeztutako eskaintza guztiek aukera hori barne hartu zuten, eta enpresa bezeroen erantzuna erabatekoa izan zen. Egun, 2022an, Europara doazen instalazio guztiak eragingailu elektrikoekin egiten dira.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
