Kimikoak

REQUIPLAST

PLASTIKO HONDAKINEN BIRZIKLAPEN KIMIKOA

PLASTIKO-EDUKI HANDIKO 520.000 TONA HONDAKIN, gutxienez 12,4 M € balio dutenak, zabortegira bidaltzen dira urtero EAEn. Hondakin plastiko horien errefusak honako hauetatik datoz nagusiki: tresna elektriko eta elektronikoen hondakinen tratamendutik (TEEH), ontziak eta bilgarriak sailkatzeko instalazioetatik, balio-bizitzaren amaieran dauden ibilgailuen zatikatzaileetatik, papera ekoiztearen ondorioz sortutako hondakinen tratamendutik eta tratamendu mekaniko-biologikoko instalazioetatik (TMB)

Pirolisi-tratamenduak birziklapen kimikoko prozesu oso aldakorrak dira hondakin horietako batzuen balorizazio materialerako, baina zenbait faktorek haien garapena baldintzatzen dute. Petrolioaren/ gasaren downstreamaren sektorea funtsezko eragilea da teknologia horietan oinarritutako industria-prozesu hobetuak behin betiko ezartzeko.

PETRONOR REQUIPLASTen burua da, eta GAIKER Zentro Teknologikoak ere parte hartzen du.

PETRONOR
HELBURUAK
  • EAEn sortzen diren plastiko-hondakinak tratatzeko pirolisi-teknologia egokia dela eta heldutasun teknologiko nahikoa duela frogatzea.
  • PETRONORen eskakizunetara egokitzen den konposizioa duen olio-korronte bat lortzea plastiko berriak fabrikatzeko (Plastic2Plastic).
  • Hondakin plastikoetatik datozen pirolisi-olioen erabilerari lotutako merkatua benetan sustatu eta aktibatzea.
EMAITZAK
  • PETRONORen findegian pirolisi-olioa lehengai gisa onartzeko zehaztapenak zehaztu dira.
  • EAEko errefusa plastikoen karakterizaziorako eta hondakinak egokitzeko prozesuetarako metodologia erreplikagarria garatu da, pirolisi-instalazioetan lehengai gisa sartzeko.
  • EAEn sortutako kantitatearen, osaeraren, sortutako olioaren kalitatearen eta petrolioaren etekinaren arabera trata daitezkeen plastiko hondakin korronteak lehenetsi dira.
  • Proiektuan aztertutako hondakin-korronteak sortzen dituzten enpresa nagusiekin kontraste-talde bat aktibatu da.
  • CO2 isuri baliokideetan urtean 15.000 tona aurreztu daitezke, egunean 75 tona plastiko hondakin tratatuz.
ONDORIOAK
  • REQUIPLAST funtsezkoa da PETRONORentzat; izan ere, horren bidez, hondakinak kudeatzeko eta erregaiak eta plastikoak fabrikatzeko eredu tradizionala aldatu egiten da, eta, ondorioz, findegia hondakin plastikoak kudeatzeko tresna bihurtzen da. Gaur egun, hondakin horiek guztiak zabortegira bideratzen dira.
  • PETRONORek interes handia hauteman du balio- katea osatzen duten erakunde guztietan: hondakinen kudeaketatik hasi eta produktuen (plastiko berriak eta beste produktu kimiko batzuk) azken erabiltzaile diren enpresetaraino, eta baita pirolisi-instalazioetako konpainia operadoreetan eta industria-prozesuen ingeniaritza-enpresa handietan ere.
  • Proiektuak Bizi Zikloaren Analisiaren (BZA) bidez eginiko ingurumen-ebaluazio sinplifikatua eta Bilboko portuan plastikoen pirolisi-inbertsioa egin duen industria-proiektu bat abiarazteko aukera eman duen ebaluazio ekonomikoa ditu.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK