ZEROCARBONHEA
KARBONO-AZTARNA NEUTROA DUTEN MATERIALEN ERABILERA ARKU ELEKTRIKOKO LABEETAN
Prozesu siderurgikoetan bioikatza aplikatzeari buruzko azterlan ugari egin dira duela urte askotatik hona; izan ere, a priori, ikatzezko erregaiak altzairuaren sektoreko energia fosilaren eramaileak ordezkatzeko erabil daitezke. Bereziki, bioikatza edo egur-ikatza labe garaietako erreduktore gisa erabiltzen da gaur egun (BOF prozesua), baina ez arku elektrikoko labea duten instalazio siderurgikoetan (Euskadiko instalazio guztiak), non kokea eta antrazita erregai-iturri, zepentzako agente apar-eragile eta altzairu-errekarburatzaile gisa erabiltzen diren. Potentzial handia dago biocharrarekin ordezkatzeko eta, horrela, siderurgiaren karbono-aztarna murrizteko. Europan, oso ezaguna da biocharrak altzairu-sektorearen deskarbonizazioari egiten dion ekarpena, eta duela gutxiko argitalpen batzuek agerian utzi dute biomaterialen erabilera inplementatzeko prest dagoela, nahiz eta azterlan horiek azpimarratzen duten beharrezkoa dela ikerketa gehigarriak egitea, ZEROCARBONHEAn planteatzen direnak bezalakoak.
SIDENOR enpresak altzairua fabrikatzen eta eraldatzen du, eta Europan aitzindari da altzairu bereziko produktu luzeen segmentuan.
MOTIBAZIO-FAKTOREA
HELBURUAK
- Arku elektrikoko labeetan, galdatze-etapan erabilitako materialen ordez karbono-aztarna murriztua duten materialak jartzea.
- Arku elektrikoko labeetan ikatzak erabiltzeari lotutako berotegi-efektuko gasen (BEG) emisioak murriztea.
- Antrazitaren eta apar-eragilearen ordezko material berriak baliozkotzea, karbonoari dagokionez neutroa den material batekin edo karbono gutxiko material batekin ordezkatzeko.
- Antrazitaren eta apar-eragilearen horniduran atzerriarekiko mendekotasuna murriztea, eta, hala, hurbileko eta erabilgarritasun handiko materiala erabiltzea.
EMAITZAK
- Altzairua urtzeko, landare-biomasaren eduki partziala duen material bat baliozkotzea antrazitaren ordezko gisa, maila teknikoan gorabeherarik nabaritu gabe.
- Antrazitarekiko % 20ko murrizketa kalkulatua materialaren ekoizpenean eta % 30ekoa ondorengo errekuntzan.
- Antrazitaren ordez landare-biomasa erabiltzen bada, urtean 450 tona CO2 baliokide inguru aurrezten dira.
- Bideragarritasun teknikoa eta ingurumenekoa frogatzea industria-mailako 100 altzairu-isurketa baino gehiagotan
ONDORIOAK
- Agerian geratu da antrazitaren ordez landare-jatorriko material bat erabil daitekeela, zati batean behintzat, ekoitzitako altzairuaren kalitatean eraginik izan gabe eta ekoizpenean kostu gehigarririk sortu gabe. Dena den, karbono-aztarnaren murrizketa mugatua izango litzateke bi arrazoirengatik: landare-material gutxi duelako eta antrazitak altzairuaren guztizko karbono-aztarnari modu mugatuan eragiten diolako.
- Hala ere, gaur egun biocharraren eta biomasaren prezioak altuak dira, eta biomasa kudeatzeko eta eraldatzeko industriaren garapena beharrezkoa da, eskala-ekonomiak ahalbidetzeko, produktu horiek beren homologo mineralekin lehiatu ahal izate aldera.
INGURUMENEKOA
TEKNIKOA
EKONOMIKOA
KOMERTZIALA
MERKATUAN