Eraikuntza eta obrak

KOOPMAT TERMIC

EHUN BIRZIKLATUAK ERABILTZEA ISOLAMENDU TERMIKORAKO

KOOPERAK BILDUTAKO ETA BERRERABILGARRIAK EZ DIREN ehun-hondakinen frakzioek zuntz naturalak dituzte, hala nola kotoia, artilea eta kotoiaren eta beste zuntz artifizial batzuen nahasketak. Horiek isolamendu termikorako erabil daitezke, baina gaur egun berrerabiltzeko erabilitako ehunak biltzen dituen zentro batek ere ez du aplikazio horren azpiprodukturik fabrikatzen. Bere aldetik, eraikuntzaren sektoreak, bere ingurumen-aztarna handia kontuan hartuta, ingurumenarentzat jasangarriak diren eraikuntzamaterialetarako irtenbideak bilatzen jarraitzen du etengabe.

KOOPERA, erabilitako ehunen tratamenduan eta berrerabilpenean laneratzeko enpresa liderra, KOOPMAT TERMICen buru da, eta bertan RENER errehabilitazio energetikoko enpresa espezializatua eta TECNALIA Zentro Teknologikoa elkarlanean aritu dira.

KOOPERA
HELBURUAK
  • Isolamendu termikoko panelak ekoitzi eta balioztatzea, eraikuntzen kanpoaldean edo mehelinetan erabiltzeko, gaur egun berrerabilgarria ez den ehun-materialarekin fabrikatuak.
  • Erabilitako ehun-hondakinen kudeaketaren karbono- aztarna murriztea.
  • Zaurgarritasun edo gizarte-bazterketa egoeran dauden pertsonentzat lanpostu berriak sortzea.
  • Lortutako isolamendu-materiala erabiliko duten obren ingurumen-inpaktua murriztea.
  • Bi sektoretako erakundeen arteko lankidetza ezartzea, hala nola ehungintzaren (KOOPERA) eta eraikuntzaren (RENER) artekoa
EMAITZAK
  • Materialaren eta azken produktuaren zehaztapen teknikoak definitu dira.
  • Prozesu osoa garatu eta ezarri da, eta honako hauek barne hartzen ditu: erabilitako ehun- materiala hautatu eta sailkatzea, lehengaia egokitzea, ehunhondakinak fabrikatzea eta tratatzea, material isolatzailea fabrikatzea, material isolatzailea balioztatu eta karakterizatzea, eta eraikuntza gunean instalatzea.
  • Oso portaera akustiko eta termiko onak dituen ehun-panel bat lortu da, zeina merkatuan dauden beste ehun-isolamendu produktuak baino hobea den.
  • Suari aurre egiteari dagokionez ere, lortutako sailkapena mota horretako beste isolamendu batzuk baino hobea da, nahiz eta artile mineralez eginiko beste isolatzaile batzuk hobeak izan.
ONDORIOAK
  • Triturats La Canya, RMT eta Logrotex bezalako kanpoko hornitzaile-enpresekin egindako lan positibotik eratorritako balio-katearen ekarpena ezinbestekoa izan da ezarritako helburuak lortzeko. 
  • KOOPMAT TERMICek arrakastaz frogatu du herritarrek emandako ehun-hondakinen zati bat isolamendu termiko eta akustikoko panelen bidez birzikla daitekeela.
  • Prozesuaren faseak teknikoki bideragarriak dira, baina panelaren osaera eta ezaugarri teknikoak optimizatu behar dira. Horretarako, behin-betiko fabrikazio-prozesua zehaztu beharko da, zenbat enpresekin lan egingo den erabaki eta bizi-zikloaren analisiaren eta produktuaren homologazioaren ikuspegitik jardun.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK