Elikagaigintza

GREEN PACK

BILGARRIEN PUTZ-EGITEAREN ENERGIA-KONTSUMOA OPTIMIZATZEA

POLIETILEN TEREFTALATOZKO (PET) BOTILAK BI FASE INDEPENDENTETAN EKOIZ DAITEZKE, eta nor bere aldetik optimiza daitezkeen makinetan egiten dira parisoiaren injekzioa eta putzegitea. Parisoiak garraio-sistema batean kokatzen dira elikagailu automatiko batetik. Ondoren, infragorrizko lanparak dituen labesistema batetik igarotzen dira bigun daitezen eta, azkenik, molde baten barruan luzatu eta putz egiten zaie presio handiko airearekin. Hau da edateko uraren, freskagarrien, zukuen, eta abarren botilak fabrikatzeko erabiltzen den teknika.

GREEN PACK UROLAk zuzendutako proiektua da. UROLA kooperatiba da, eta bilgarriak fabrikatzeko irtenbideak diseinatu eta sortzen ditu putz-egite teknologia erabiliz. Proiektu honetan parte hartu dute GALBAIAN enpresak (industria-jabetzan espezializatutako aholkularitza enpresa) eta AZTERLAN teknologia-zentroak.

UROLA SOLUTIONS
HELBURUAK
  • Diseinu berri bat lortzea PET bilgarrietarako, eta bilgarriaren fabrikazioan presio handiko aire konprimituaren erabilera murriztea ahalbidetzen duten moldeak lortzea (40 baretik 25era). Horrela, energiaren % 37 inguru aurreztuko litzateke.
  • Bilgarriak fabrikatzeko prozesua ekodiseinatzea, bai bilgarriaren diseinuan (erraz putz egiteko aukera emanez) bai moldean bertan (bilgarriaren eta barrunbearen artean harrapatutako airearen kanporaketa ahalmena handituz) esku-hartuz.
  • Bilgarriaren hondoaren geometria egokia identifi katzea, zuzen eratu ahal izateko, barne-presio handirik behar izan gabe. Izan ere, efektu horren eragina proiektuaren arrakasta-mailaren % 40 izan daiteke.
EMAITZAK
  • Moldea garatu eta fabrikatu da ekodiseinu irizpideen arabera.
  • Benetakoen antzeko baldintzetan proba pilotu bat egin da enpresa bezero batean instalatutako URBI-2L makina batean.
  • Elektrizitate-kontsumoa % 13,1 inguru murriztuko luke presio txikiko putz-egiteak, zeinak orduko 2100 botilako gaitasuna duen. Kontuan hartutako unitate funtzionalerako, horrek 117,69 MWh aurreztea dakar, eta berotegi-efektuko gasen isurketak, berriz, 41 tona CO2 baliokide murrizten dira.
ONDORIOAK
  • GREEN PACKek aukera ematen du konpresorearen dimentsionamendua murrizteko, potentzia instalatua 110 kW izatetik 75 kW izatera igaroz. Presio-tarte ezberdinetan aurreztutakoak aukera emango luke enpresa bezeroari bi urteko itzulera proposatzeko, lehendik dagoen molde bat ordezkatuko balitz.
  • Neurri batean, irtenbidearen ingurumenerrendimendu orokorra oztopatzen du moldeen ekoizpenean zehar mekanizazio-etapa berriak sartu beharrak.
  • GREEN PACKen eman beharreko hurrengo urratsek oinarri izango dute bere industrializazio, estandarizazio eta operazio-kostuen egokitzapen aproposa.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK