ECOBRIDGE
ZUBI MODULAR BERRERABILGARRI BATEN EKODISEINUA
ECOBRIDGE PROIEKTUA SORTU ZEN BILBOKO HEGOALDEKO SAIHESBIDE METROPOLITARRA ERAIKITZEKO OBREN TESTUINGURUAN. Zubien diseinuan ohikoa den ikuspegiarekin alderatuta, erabat ezberdina da egitura-ikuskera hori. Izan ere, ehun urtera arteko balio-bizitza duten elementu monolitikoak bilatu nahi dira, eta oso gutxitan hartzen dira kontuan mantentze-lanak. Ohiko kasu horietan, ez dira kontuan hartzen elementuen eraispena eta bizi-zikloaren kudeaketa integrala, eta arazo hori datozen belaunaldiei uzten zaie, besterik gabe. ECOBRIDGEk ekozubi modularra aurkeztu du zubien bizi-zikloaren amaiera hobetzeko. Eraisteko ohiko jardunbideen aldean, modularizazioak aukera ematen du zubia txukun eraisteko eta beste leku batean berrerabiltzeko, hondakinik sortu gabe.
VIUDA DE SAINZ eraikuntza-enpresa bat da, eta zerbitzuak eskaintzen ditu era guztietako obra publiko zein pribatuak eraikitzeko, ustiatzeko eta mantentzeko.
MOTIBAZIO-FAKTOREA
HELBURUAK
- Ohiko zubien bizi-amaiera eta zubi horiek eraisteko ohiko jarduerak hobetzea, zubi modular eta berrerabilgarri berri bat ekodiseinatuz.
- Ekozubiaren egiturazko ezaugarriak eta denboran izan duten bilakaera aztertzea.
- Ekozubiaren ingurumen-abantaila kuantifikatzea bizi-zikloaren analisi konparatiboaren bidez.
EMAITZAK
- Garatutako ekozubiak CO2 emisioen % 3 aurrezten du ohiko zubien aldean, erabilera bakar batekin.
- Ekozubia berrerabili ahala, CO2 isurketen hobekuntza izugarri handitzen da: % 3tik % 49ra igarotzen da berrerabilpen bakarrarekin, % 64ra hiru erabilerarekin eta % 71ra lau erabilerarekin, zubi tradizional baten eraikuntzarekin alderatuta.
- Ekozubi bat berrerabiltzeak saihestu egiten du 300 tona material eraistea eta 1200 tona CO2 isurtzea.
ONDORIOAK
- ECOBRIDGEk balioetsi du denboran zehar garatutako ekozubiak egiturazko ezaugarriak betetzen dituela, zeinak egikaritu egiten diren erreferentziako araudi sektorialek ezartzen dituzten mugako egoeretan.
- Zubia jatorrizko kokapenaz gain beste leku batean erabiltzean % 50 inguru murrizten da CO2 kontsumoa taularen m2 bakoitzeko, ohiko zubien aldean.
INGURUMENEKOA
TEKNIKOA
EKONOMIKOA
KOMERTZIALA
MERKATUAN