Al-ReX
X IZPIEN SENTSOREEN BIDEZ ALUMINIO-ALEAZIOAK BEREIZTEA
ERABILTZEN EZ DIREN IBILGAILUAK (EEI) ETA TRESNA ELEKTRIKO ETA ELEKTRONIKOEN HONDAKINAK (TEEH) TRATATZEAN ALUMINIOZKO (AL) metalezko frakzio bat lortzen da, zeina moldatzeko eta forjatzeko aleazioen nahasketa bat den. Gaur egun, birziklatze-prozesuaren bidez lortutako aluminioaren bigarren mailako aleazio guztiak galdaketa-prozesuetarako erabiltzen dira, gehienbat Al (HPDC) injektatzeko prozesuetan, eta horrek materialaren balioa nabarmen galtzea eragiten du. Oro har, kalkulatzen da urtean 6.1 milioi tona forja-aleazio degradatzen direla moldekatze produktuetan erabilita.
Kalkuluen arabera, 6xxx serieko aluminio-aleazioen eskaria hazi egingo da 2010 eta 2030 bitartean, 2,3 milioi tonatik 6,5 milioi tona metrikora. Halaber, aurreikusten da aluminiozko txatarrak (aleazioen nahasketa) moldekatze-aleazioen eskaria gaindituko duela ezpurutasun-tolerantzia handiarekin. Europar Batasunean prozesatutako metalen % 30 baino gehiago birziklapenetik datoz, nahiz eta metalen arteko aldaketak handiak izan eta Al metalaren % 12 soilik datorren birziklapenetik.
REYDESA, Grupo Otuako kidea, metal ferrikoak eta ez-ferrikoak berreskuratzen dituen enpresa liderra da, eta hondakin metalikoen tarte zabala kudeatzen du. Al-ReX gauzatzeko, INATEC Taldeko I+G unitatearen laguntza izan du.
MOTIBAZIO-FAKTOREA
HELBURUAK
- Berreskuratutako aluminioaren frakzioetatik abiatuta, gaur egun forjaketa/moldekatze kalitateak bereizteko metodo eraginkorrak gauzatzeko dagoen ezintasunarekin amaitzea.
- X izpien bereizketa bidez forjaketa- eta moldaketakalitateko bigarren mailako aleazioak lortzea, eta kalitatea eta balio erantsia igotzea.
- GRUPO OTUAn aztertutako teknikarik onenak alderatzea, aluminio-aleazioak bereizteko eta EAEn upcycling lortu nahi duen ekimen birziklatzaile baten buru izateko.
EMAITZAK
- Berreskuratutako aluminioaren aleazio baxuko, ertaineko eta altuko hiru kalitate desberdin lortu dira X izpien bidezko identifikazio-teknologiaren bitartez.
- Teknologia teknikoki bideragarria dela ikusi da, eta gaur egun ezarrita daudenen emaitzak hobetzen ditu.
- 565 kg aurreztu dira CO2 baliokidearen isurietan, tratatutako hondakin metaliko tona bakoitzeko.
- Kontuan hartutako tratamenduarekin alderatuta, inpaktu-agregatu potentzialen baloreetan (Pt) % 97,4ko murrizketa egon da.
ONDORIOAK
- Emaitzei esker, zehaztapen eta prezio handiagoko moldekatze-aleazioak lor daitezke REFIALen (Grupo Otuako enpresa, aluminio-aleazioak urtzen eta fintzen dituena).
- Teknologiaren ezarpena ahuldu egiten da laginen konposizioaren aldakortasunagatik.
- Teknologia materialaren granulometriaren mende dago, eta horrek ekoizpen-ahalmena mantentzea eta industria-eskema desberdina izatea dakartza, partikulen tamainaren arabera.
- Aluminio-fluxu puruenak desegokiekin kutsatuta daudenez, desegokiak eskuz bereizteko etapa bat mantendu behar da.
- REYDESAk bereizketa-prozesu gehigarrietan lan egiten jarraitzen du, aluminiozko forjaketa merkatuen zehaztapenak lortzeko.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
