Ekoberrikuntza - Ihobe

Fabrikazio-prozesuko puntu bakoitzean sortutako txatar-bolumenak identifikatzea eta aztertzea, ekoizpenari, stockei eta salmentei buruzko datuetan oinarrituta. Horren helburua txatarraren sorrera identifikatzea eta aurrezteko zer potentzial ekonomiko dagoen jakitea da.
Berreskuratze-prozesua barneratzea zepen kudeaketa-prozesua kontrolatzeko eta berreskuratutako txatarra gaur egun baino kostu txikiagoan lortzeko; horretarako, prozesua ezarriko da, eta beharrezko inbertsioa egingo da instalazioetan, baliabideetan eta prestakuntzan.

Txatarraren sorrera identifikatzea, sorrera-puntu bakoitzean eta xehetasun-maila handienarekin: altzairu-kalitate gehienek txatarrak biltzeko edukiontzi txikiagoak eta maiztasun handiagoak eskatzen dituzte. Aurrezteko potentzialaren tartea 1,7M € eta 3,7M € artekoa da.
Txatarrak ebakuatzeko/garraiatzeko sistema berri batean inbertitzea (0,25m €) . Sistema horrek txatarra biltzeko eta sailkatzeko otzara txikiagoak, eskorgak, langileak, kudeaketa-sistemak eta instalazioaren barruko kamioi-fluxuak barne hartzen ditu. Garbiguneak sortu dira instalazioan horretarako prestatutako eremuetan.
Tubacex enpresako txatarrak sailkatzeko gida orokor bat egitea, eta espezifiko bat, lanpostu bakoitzerako. Txatarrak kudeatzeko prozedura berriei buruzko dokumentazioa jasoko da, eta gaitutako garbiguneetan txatarraren balioa zainduko duen ebakuazio-, sailkapen- eta bilketa-eredua definituko da.
Zerra-gunean azala kentzeko makina aldatzeko eta txatarra husteko inbertsioa egitea (0,85m €).
Sortutako hainbat hondakin berreskuratzeak eragin ekonomiko handia izan dezake, behar bezala kudeatzen badira. Horrela, altzairugintzako hautsetarako DIGIMET teknologiarekin egindako saiakuntzek (KRITEUS proiektuan) kromoa % 74 eta % 80 artean eta nikela % 69 eta % 84 artean berreskuratu dute atariko probetan.

Zepen material metalikoaren balioa handia bada ere, badirudi egindako azterketa eta kudeaketa ez dela nahikoa errentagarria inbertsioa errentagarri bihurtzeko. Hala ere, eremu hori sakonago aztertu behar da eta zepa horien erabilera-nitxoak identifikatu behar dira.
Hurrengo inbertsio-fasean, Europan TUBACEX TALDEAn sortutako txatar guztien aprobetxamenduari eta kudeaketari ekitea aurreikusten da.

TXATARREN ETA HONDAKINEN KUDEAKETA HOBETZEA