REPTOOL
TRESNAK BERRESKURATZEA BEROAN FORJATZEKO
BEROKO KONFORMAZIO-PROZESUKO TRESNAK HIGATU EGITEN DIRA erabiltzearen poderioz eta txatar bolumen handia sortzen dute, eta horrek enpresarentzat kostu ekonomiko eta ingurumen-kostu handiak dakartza. Soldadura-teknika tradizionalen bidez kargatzea ez da oso eraginkorra konformazio-tresnak fabrikatzeko industriak gaur egun erabiltzen dituen erresistentzia handiko altzairu berrietan. Dena den, teknologia ez-konbentzionalen bidez hautsa eta hari metalikoa jalkitzean oinarritutako fusio bidezko ekartze edo birkargatzeteknikak, elektroi-sorta eta laserra kasu, konformazio-tresnak berreskuratzeko benetako alternatiba dira gaur egun.
ESTAMCALek, Satuerca Taldeko automobilgintzaren sektorerako pieza bereziak ekoizten espezializatutako konpainiak, REPTOOL zuzendu du, non TEKNIKER Zentro Teknologikoa ere lanean aritu den.
MOTIBAZIO-FAKTOREA
HELBURUAK
- Automobilgintzako piezak beroan forjatzeko egiten den fabrikazio-prozesuan erabiltzen diren metalezko erreminta eta tresnak berreskuratzeko prozesuaren bideragarritasun teknikoa eta ekonomikoa aztertzea, materiala laser bidez kargatu eta gehitzeko prozesuen bidez.
- ESTAMCALek bere ekoizpen-prozesuan erabilitako bero-konformazioko tresnak berreskuratzea, hala nola botagailuak eta ordezkoak.
EMAITZAK
- Prozesu-parametro egokienak lortu dira ordezkoak (zati aktiboan edo atzealdekoan) eta botagailuak konpontzeko edo sendotzeko.
- Beroan lan egiteko erreminten altzairuak kargatuz botagailuak berreskuratu dira, eta emaitza bikainak izan dituzte.
- Ordezkoak konpondu dira ordezko berri bati dagokion portaera baino pixka bat baxuagoarekin. Ordezkoaren gainazal higatua mekanizatu da, eta laser teknologia erabiliz materiala gehitzeko prozedura aplikatu da atzealdean.
- Ezinezkoa izan da konpondutako/indartutako tresnen azken portaera zehaztasunez zehaztea, erreminta horiek benetako fabrikazio-prozesuan probatu ondoren lortutako emaitzak oso desberdinak izan baitira.
ONDORIOAK
- REPTOOLen hurrengo eginkizunen artean ordezkoak gogortzeko prozesua optimizatzea dago, berreskuratutako tresnen balio-bizitza berrien antzekoa izan dadin lortzeko.
- Mikropitzadurak agertzeko aukera murrizteko aldez aurretik berotzea ere proposatzen da, alternatiba gisa, eta baita ondorengo tentsioak arintzeko tratamendu bat ere, hondar-tentsioak minimizatzeko.
- Era berean, beharrezkoa da ordezko eta botagailu kopuru egokien karga egitea, informazio gehiago izateko eta berreskuratutako tresnen iraunkortasun eta hobekuntza maila zehaztasun handiagoz zehazteko. Hala, ekonomiaren eta ingurumenaren bideragarritasunaren azterketak amaitzea espero da.
- Saiakeretan puntzoiak sartu behar dira: higadura handia jasaten duten eta piezaren bolumena mantentzeko material gehiago ekartzera behartzen duten erremintak. Kostuak murriztu nahi dira elementu horiek berreskuratzean eta haien iraupena luzatzean, makinan egindako ekarpenak arinduz.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
