Ekipo elektrikoak eta elektronikoak

Ihobe Eusko Jaurlaritza

REEF

PRODUKTUAREN INGURUMEN-AZTARNAREN ARAUAK GARATZEA SEKTORE ELEKTRIKORAKO

Produktuen eta/edo zerbitzuen ingurumen-portaerari buruzko informazioa transmititzeko sistemak eta etiketak oso sakabanatuta daudenez, Europako Batzordea ingurumen-aztarnaren metodo komunak bultzatzen ari da 2013tik.

IBERDROLAk eta EDPk esperientzia handia dute nazioarteko ISO/TS 14072:2014 araupean erakundeen ingurumen-aztarnak garatzen, baina Europako Batzordearen esparruan araurik ez dagoenez, desberdintasunak daude azterlanen irismenari dagokionez (sistemaren mugak, zenbatespenak, ebaluazio-metodologia, etab.). REEF proiektua esperientzia horretan oinarritzen da, energia elektrikoaren ingurumen-aztarnak garatzeko irizpideak bateratzeko.

IBERDROLA izan da REEF proiektuaren buru; EDP izan du kide, eta GRUNVER SOSTENIBILIDAD ingurumen-aztarnan eta BZAn aditua den aholkularitza-enpresaren laguntza izan du.

IBERDROLA
HELBURUAK
  • Ingurumen-aztarnaren arauak eratzea sektore elektrikoarentzat, Europako Batzordearen esparruan, eta arau horiek estatuan eta Europan zabaltzea.
  • Ingurumen-aztarna ingurumen-komunikazioko eta -jakinarazpeneko tresnekin eta barne-kudeaketako sistemekin integratzea.
  • Enpresa hornitzaileak ebaluatzea eta bultzatzea, proiektuaren garapenean inplikatuz, eta ingurumen-aztarnen garapena bultzatzea lehentasunezko sektoreetan, hala nola ekipamendu elektrikoen fabrikazioan.
  • Ingurumen-aztarna erosketa eta kontratazio pribatu berdean (EKPrB) aplikatzeko potentziala ebaluatzea.
EMAITZAK
  • Produktuaren eta erakundearen ingurumen-aztarna kalkulatzeko arauak definitzea, Europako Batzordearen arau-esparruaren barruan.
  • Beste tresna batzuekin integratzea: karbono-aztarna, produktuaren ingurumen adierazpena (EPD), ingurumena kudeatzeko sistemak, jasangarritasunari buruzko txostenen indizeak (GRI, DJSI) eta datuak jakinarazteko sistemak.
  • Alderdi interesdunei esparru bateratuaren berri ematea, ingurumenari buruzko informazioa estandarizatzeko eta bateratzeko.
  • Ingurumen-aztarna EKPrB-an aplikatzeko potentzialaren ebaluazioa, ingurumen-kontsiderazioak erosketa-politikan txertatzeko gomendioak ezartzea barne.
ONDORIOAK
  • Erakundearen ingurumen-aztarnaren arau sektorialek (OEFSR) ingurumen-aztarnak garatzeko esparru baten oinarriak finkatzen dituzte estatuko eta Europako sektore elektrikoan.
  • Ingurumen-komunikazioko eta -jakinarazpeneko tresnak integratzeari esker, EKPrB-ko irizpide osoak, egiazkoak eta benetako trantsizio zirkular batera bideratuak ezar daitezke, ingurumen-bektoreen eta/edo bizi-zikloaren etapen arteko kargak eskualdatu gabe.
  • Trebakuntza ezinbestekoa da balio-katearen trakzioan. REEFen garatutako prestakuntzari eta tresnei esker, enpresa partaideek beren lehiakortasuna indartu dezakete Europako merkatuan, beren produktuen ingurumen-informazio egiazkoa eta gardena eskainiz.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK