Elikagaigintza

CERO GRANZA

PLASTIKOAREN SEKTOREKO ENPRESA BATEKO LURZORUAN “ZERO GALAUTS” EGON DADIN LORTZEA

ITSASOETAN ETA OZEANOETAN AMAITZEN DUTEN MIKROPLASTIKOEN ITURRIETAKO BAT plastikoaren sektoreko industriek lehengai gisa erabiltzen dituzten pelletak edo galautsak dira, jarioak edo garbiketa gabezia medio, instalazioetako zoruan amaitzen dutelako eta drainatze-sistemen bidez itsasora eramaten direlako. PLASTIGAURek, Andoainen (Gipuzkoa) kokatzen den eta hainbat sektoretarako film malguak fabrikatzen dituen enpresak, produktu horiei behar bezala eutsi nahi die, eta erabiltzen duen galautsa ibaiaren bidean sartu eta itsasoan bukatzea saihestu nahi du. Katearen maila bakoitzaren ardura da galautsa ez galtzea, kasu honetan, galautsa ekoizten duten enpresena, garraio sektorearena, ontziratu gabeko biltegietako terminaletako langileena eta plastikoa prozesatzen duten enpresena.

PLASTIGAUR
HELBURUAK
  • Instalazioen zoruan dagoen galauts kopurua zerora murrizteko metodologia bat ezartzea eta hondakinkorronte horren isurketa guztiz ekiditea.
  • Galautsa isurtzeak eragin ditzakeen ingurumeninpaktua, kostu ekonomikoa eta lan-arriskuak saihestea.
  • Operation Clean Sweep (OCS) ziurtagiria lortzen duen lehen euskal enpresa izatea, eta lortutako jakintza eta esperientzia sektoreko beste enpresei hedatzea.
EMAITZAK
  • Urtean isuritako lehengaiaren 11.150 kg bildu dira (2020), eta baliabide hori berriro txertatu da enpresa kudeatzaile baten bidez. Isuria ingurumenera botatzea eta lehengaia galtzea saihestu da, eta horrekin 23,42 tona CO2 baliokideren isurketa aurreztu da.
  • AENORen ziurtapen-prozesua lortu da OCS eskemarentzat, PLASTIGAURentzat, eta hala Espainiako lehen ontziratze- eta enbalatze-enpresa bihurtu da.
  • PLASTIGAURren OCS sistema arrakastaz ezarri da, antolakuntzako pertsona guztiak inplikatuz eta “zero galauts” helburua balio-kate osora hedatuz, eta enpresa hornitzaileen eta garraiolarien artean harrera ona izan du.

 

ONDORIOAK
  • CERO GRANZAren epe luzerako konpromisoari eusteko, garrantzitsua da emaitzen kontrol eta jarraipenerako adierazle-sistema bat ezartzea, zuzenketak egiteko beharra zehaztuko duena eta konpromisoa mantentzea ahalbidetuko duena, aurreikusitako etengabeko sentsibilizazio eta kontzientziazioarekin. Gainera, AENORek auditoretzaren bidez egiaztatzen du OCS eskemak ondo funtzionatzen duela eta ondo mantentzen dela.
  • PLASTIGAURek IHOBEren Jardunbide Egokien Gida egiten lagunduko du, eta bertan PLASTIGAURen esperientzia arrakastatsuaren berri emango zaie sektoreko gainerako enpresei. Plastikoa pro zesatzeko enpresak ingurumenean galauts-galerak % 90ean murrizteko gai izango direla uste da.

INGURUMENEKOA

TEKNIKOA

EKONOMIKOA

KOMERTZIALA

MERKATUAN