Kontsumo-ondasunak

Ihobe Eusko Jaurlaritza

SUSPLAS

PLASTIKO JASANGARRIAK DISEINUKO ALTZARIETARAKO

Altzariek ez dute ezaugarri tekniko zorrotzak dituzten plastikorik behar; hortaz, sektore horrek erraz integra ditzake material birziklatuak bere katean. Bestalde, plastikoa, material gisa, konpondu beharreko ingurumen-arazo handienetako bat da, birziklatzen ari ez den plastiko asko dagoelako eta, azkenean, ingurumena kutsatzen duelako. Hala ere, beharrezkoa da plastiko birziklatu jasangarriagoak eta egokitzeko ahalmen handiagoa dutenak aztertzea, diseinuko altzarien fabrikazioan erabiltzeko, alternatibak aukeratzeko eta lagin adierazgarri eta formulagarriekin lan egiteko. 3D inprimaketako teknologia berriei esker, altzarien prototipo funtzionalak erraz lor daitezke.

ONDARRETAk, hots, SUSPLAS proiektuaren buru izan den enpresak, altzariak egiten ditu tradizioan eta berrikuntzan oinarrituta, eta proiektua egiteko honako hauen laguntza izan du: 3R3D (3D inprimaketan aditua den enpresa), URTETA (plastikoen injekzioan espezializatua dagoen konpainia), IK INGENIERÍA ingurumen-aholkularitza, eta HABIC, Euskadiko ekipamendu-, altzari-, eta diseinu-klusterra.

ONDARRETA
HELBURUAK
  • Habitataren sektorean material polimeriko jasangarriak txertatzea, diseinuko altzarien fabrikazioan jatorri fosileko plastiko birjina ordeztu dezaten.
  • Plastikozko hondakinen balioa handitzea, altzarien produktuetan kalitatea galdu gabe.
  • Material horiek prozesatzea bideragarria dela egiaztatzea.
  • Balio erantsiko negozio zirkularrak modelizatzea eta zabaltzea.
  • EAEko diseinuko altzarien sektorearen ezaugarrietara, beharretara eta aukeretara egokitutako estrategiak diseinatzea.
  • Material berri horiek txerta ahal izateko zer prozesu gehitu edo aldatu behar diren aztertzea.
  • Toki-balioko kate berri bat eratzea.
EMAITZAK
  • Hautatutako materialetan fabrikatutako plastikozko pieza bakoitzeko CO2 baliokidearen emisioen aurrezpena % 34 eta % 62 artekoa da, fosil jatorriko materialen aldean.
  • Emaitza ezin hobea izateko, jatorri fosileko lehengai birjinaren zati bat birziklatutako material birjinarekin nahastea erabaki da, eta CO2 emisioak % 40 baino gehiago murriztea lortu da, material birjinaren aldean.
  • Produktu osoaren gaineko inpaktua —osagai plastikoez gain, altzairuzko egiturak ere barne hartzen ditu— % 19 eta % 28 artekoa da.
  • Egungo materialak ordezkatzeak ez du kostu ekonomikoa kaltetu.
  • Lortutako materialen emaitzak eta ezaugarriak merkatuaren eskakizunetarako egokitzat baliozkotzea. Baliozkotze hori teknikoa zein estetikoa izan da, eta puntu kritikoa izan da diseinuko produktuak erosteko erabakian.
ONDORIOAK
  • SUSPLAS proeiktuak emaitza tekniko eta ingurumen-emaitza onak lortu ditu, etorkizunean erreplikagarritasun-potentzial handiarekin, baina merkatuarekin lotutako zailtasunak daude: enpresa fabrikatzaile eta bezero batzuk ez dira fidatzen birziklatutako materialekin, bai aurretiko esperientzia txarrengatik (produktu ez-homogeneoak, etengabeko zerbitzurik gabekoak), bai kalitate txikiagokotzat hartzen dituztelako. SUSPLASek oztopo hori minimizatu du produktu ziurtatua eta hornidura bermatzeko gaitasuna duten enpresa hornitzaileekin.
  • EAEn ez dago plastikozko material birziklatuak ziurtapen- eta hornidura-bermeekin eskain ditzakeen agente birziklatzaile edo compounder lokalik, eta horrek eragina du SUSPLASen EAEko ezarpenean. SUSPLASen arrakastaz erabilitako materialak Europa erdialdeko enpresetatik datoz, eta horiek zaildu egiten dute prozesua material-stockik egiten ez duen sektore batean, proiektuak erabat pertsonalizatuak direlako
  • Kontsumo-produktu horren proiektua hedatzea garrantzitsua da; horregatik, bideo bat egin zen; esteka honetan ikus daiteke: https://www.youtube.com/watch?v=tCIf3n_iYUM&ab_channel=ClusterHabic 

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK