Eraikuntza eta obrak

Ihobe Eusko Jaurlaritza

BITAR

MOLDEKATZE-HONDARREN BALORIZAZIOTIK LORTUTAKO NAHASTE BITUMINOSOAK

Industria metalurgikoko galdaketa-hondarren hondakinei — batez ere zabortegira doazenei— irtenbidea aurkitzea EAEko industriaren premia handia da oraindik ere. Irtenbide horietako bat moldekatze-harea horiek erabilerara egokitzea da, bai ikuspegi funtzionaletik, bai ingurumen-ikuspegitik, zoruetarako nahasketa bituminosoetan agregakin fin gisa. Proposamenak aldez aurretik egindako azterlan pilotuak hartzen ditu oinarri, hala nola PISSAM proiektua (Zementu oinarriko produktu berritzaileak, moldekatze-hareetatik datozen azpiproduktu siderurgikoen balorizaziotik abiatuta) eta, enpresa sustatzaileak moldekatze-harearekin eta agregakin siderurgikoarekin egindako nahaste bituminosoen aurretiazko proba txikiak. Horrela, eskuratutako ezagutzan oinarrituta, birziklatutako produktu horiek merkaturatzeko egon daitezkeen arriskuak identifikatu ahal izango dira.

BITAR proiektuaren buru ASFALTADOS OLARRA enpresa izan da, zeina asfaltatzearen sektorean aditua baita, eta elkarlanean aritu da TECNALIA zentro teknologikoarekin.

ASFALTADOS OLARRA
HELBURUAK
  • Moldekatze-hareetarako (berdeak edo kimikoak) balorizazio-irtenbide berri baten bideragarritasuna aztertzea, agregakin siderurgikoa duten asfaltozko nahasketa berriak garatuz.
  • Agregakin naturalaren ordezko agregakin gisa fresaketa- eta siderurgia-agregakinaren nahasketa erabiltzeko erabilera-baldintza egokienak identifikatzea hormigoi bituminosozko nahasketetan eta nahasketa etenetan.
  • Berriztagarriak ez diren baliabideen erabilerari lotutako ingurumen-inpaktua murriztea.
  • Zehaztapen egokiak definitzea, alde batetik, agregakinen nahasketa horren borondatezko CE markaketari ekiteko oinarri gisa, hormigoi bituminosozko nahasketetan eta nahasketa etenetan erabiltzeko, eta, bestetik, Euskal Autonomia Erkidegoko Errepide-sareko Zoruak Dimentsionatzeko Arauan sartzeko erreferentzia gisa.
EMAITZAK
  • Proposatutako nahasteek PG3 baldintza-agirian ezarritako eskakizunak betetzea.
  • Aztertutako hondakinen propietate fisiko-mekanikoek eta ingurumenekoek ez dute eragozten hormigoi bituminosozko nahasketak eta nahasketa etenak fabrikatzeko erabiltzea.
  • BITAR proiektuaren zehaztapen teknikoen dokumentua, hormigoi bituminosozko nahasketen eta nahasketa etenen ekarpen-agregakin gisa balorizatzeko.
  • Kontsulta-inprimakia EOTAri aurkeztea, hau da, Eraikuntzako Produktuen Erregelamenduan ezarritako eraikuntza-produktuen Ebaluazio Teknikorako Europako Erakundeari.
  • Nahasketa bituminosoen tona bakoitzeko 36 kg CO2 gutxiago isurtzea, harrobitik datozen agregakin naturalen ordez BITAR proiektuan proposatutako agregakin birziklatuak erabiltzean.
ONDORIOAK
  • Lehengaiak lortzeko fasean eta garraioan nabaritzen da moldekatze-harea eta agregakin siderurgikoa nahasketa bituminosoa fabrikatzeko lehengai gisa erabiltzearen ingurumen-abantaila nagusia.
  • Erabilitako eta balorizatutako hondakinak, hasieran, egokiak dira hormigoi bituminosozko nahasketetan nahiz egiturazko zoruetarako nahasketa etenetan erabiltzeko proposatutako ehunekoetan.
  • ASFALTADOS OLARRAk harremanak ezarri ditu BITARen planteatutako irtenbideetan interesa duten eragileekin, etorkizunean moldekatze-harea eta agregakin siderurgikoaren hornidura ziurtatzeko.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK