Eraikuntza eta obrak

LURMASA

MATERIAL BERRERABILGARRIAK EGITEKO KUTSATUTAKO LURZORUAK “ON SITE” EGONKORTZEA

LOGISTIKA-, PORTU- ETA INDUSTRIA-AZPIEGITURAK ERAIKITZEKO (KAIAK, DIKEAK, ZABALGUNEAK, ETA ABAR) eraikuntzako material ugari behar dira. Hori dela eta, ohikoa da industria-azpiproduktuak (altzairu-fabrikako zepak, esaterako) erabiltzea betegarri gisa, eta horrek lurzorua metal astunez kutsatzeko arazoak eragin ditzake. Leku horiek egokitzeko obrek induskatutako material ugari sortu ohi dute, eta normalean zabortegietan amaitzen dute. Bilboko Portuak 400.000 tona agregakin siderurgiko baino gehiago erabili ditu bere azpiegituretan 2008az geroztik, modu kontrolatuan, baina gaur egun teknologia berriak behar dira agregakin horiekin nahastutako lurrak berreskuratzeko.

AFESA enpresa hondakinen kudeaketan, lurzoruen tratamenduan eta eraispenetan liderra da.

AFESA
HELBURUAK
  • On site tratamendu-prozesu berritzaile bat garatzea, metal astunez hondatutako/kutsatutako lurzoruak eta arriskutsuak ez diren altzairu-fabriketako zepaz betetako lurzoruak egonkortu eta solidotzeko.
  • Eraikuntza-material seguru bat sortzea, zementuzko edo legar-zementuzko lurzoruaren antzekoa, hura fabrikatzeko erabili diren materialen lekuan bertan berrerabil daitekeena.
  • Materialaren iragazkortasuna eta metal astunen lixibiazioa murrizten duten mineralez osatutako aglutinatzaileak eta gehigarriak lortzea, materialari ahalmen autozigilatzailea emateko.
EMAITZAK
  • Prestazioak hobetzen dituzten zementu eta material mineralen konbinazioak identifikatu eta erabili dira (pitzaduren eraketa murriztu da, iragazkortasuna murriztu da, etab.), zementua soilik erabiliz lortutakoekin alderatuta.
  • Materialaren ezaugarriak hobetzeko ezinbestekoak diren beste aldagai batzuk identifikatu dira.
  • Zementuaren kontsumoa murriztu da, karbonoaztarna txikiagoa duten materialekin partzialki ordezkatuta.
ONDORIOAK
  • Betegarri gisa erabili diren material industrial ez-arriskutsuak, gaika induskatuta, berriro erabil daitezke zementuzko edo legar-zementuzko lurzoru mota iraunkor eta birziklagarrien on site fabrikazioan, lehengai gisa.
  • Horrek hondakinak zabortegira bidaltzea saihestuko luke eta, aldi berean, harrobiko agregakinak erabiltzeko beharra murriztuko litzateke.
  • LURMASAren inplementazioa teknikoki eta ekonomikoki bideragarria da, baina EAEko araudiak oraindik ez du onartzen.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK