SOSTFEED
MAHATSAREN TXORTENA BERRERABILTZEA UNTXI-HAZKUNTZAKO OSAGAI FUNTZIONAL GISA
MAHATSAREN TXORTENAK ZUNTZ BALIO HANDIA DU, eta bodegan ardoa egiteko erabiltzen diren azpiproduktuen artean hondakin gisa kudeatzen den bakarra da. Eta horrek kostu ekonomikoa eta ingurumen-inpaktua dakartza. Beste aldetik, untxien laborantzak zenbait arrisku-faktore dakartza berekin, zeinak gaixotasunekin eta hilkortasun-tasa handiekin lotuta dauden, dagozkien galera ekonomikoekin. Heriotzak minimizatze aldera, untxien laborantzan sendagaiak prebentzio-tratamendu gisa erabili izan dira tradizionalki. Datuek diote untxi-hazkuntzaren epe luzeko iraunkortasuna bermatzeko pentsuen ekoizpenaren inpaktua murriztu behar dela, hori baita untxi-hazkuntzaren ingurumen-inpaktuaren arduradun nagusia.
BAIGORRI, Arabar Errioxako ardo-ekoizle nagusietako bat, SOSTFEEDen buru da, eta bertan AZTI azpiproduktuen balorizazioan espezializatutako Teknologia Zentroak eta EAEn pentsuen ekoizpenean liderra den MIBA Nekazaritza Kooperatibak parte hartu dute.
MOTIBAZIO-FAKTOREA
HELBURUAK
- Ardogintza-sektoreak sortutako mahats txortenak balio handiko osagai funtzional gisa eta zuntz ugariko osagai gisa berrerabiltzea abereen elikagaigintzan, untxi-hazkuntzaren sektorea barne.
- Prozesu horretarako ekonomia zirkularraren printzipioetan oinarritutako jarduera ekonomiko berri bat abian jartzea.
EMAITZAK
- Untxi-hazkuntzaren elikagaigintzarako osagai berri bat lortu da, eta horretan mahatsaren txortena % 10 erabili da, nutrizio-kalitatea eta segurtasuna bermatzeko eraginkorrak diren teknologiak konbinatzen dituen egonkortze-prozesu baten bidez.
- Urtean 2.000 tona CO2 baliokide gutxiago isuri da txortenak ez direlako bota, untxi-hazkuntzaren heriotza-tasa % 10 murriztu da eta ohiko osagaien % 10 azpiproduktuekin ordezkatu da.
- Jarduera berria abian jartzeko Bideragarritasun ekonomikoari eta Negozio-ereduari buruzko txostena xedatu da. Prozesurako giltza eskuan motako instalazio bat garatu da.
ONDORIOAK
- Jarduera berria abian jartzeak, alde batetik, areagotu egiten ditu ardogintza-sektorearen ingurumen-eraginkortasuna eta lehiakortasuna, baliabideen erabilera jasangarria hobetzen duelako, hondakinen kudeaketa-kostuak minimizatzen dituelako eta sektorearen ingurumen-irudia hobetzen duelako. Beste aldetik, untxi-hazkuntzaren iraunkortasunak ere gora egin du, lehengai jasangarria ematen duelako, eta hala, beste osagai batzuekiko mendekotasuna murrizten du.
- Ingurumen-eraginkortasuna hobetu egingo litzateke txortenak sortzen diren bodegen eta osagaiak prozesatzeko instalazioen arteko garraio-tarteak murriztuko balira. Gauzak horrela, txortenak tokian bertan deshidratatzea izan liteke irtenbiderik egokiena, nahiz eta prozesamenduaren kostua handitu daitekeen.
- Oso garrantzitsua izan da balio-kate osoa proiektuan sartzea, proiektua behar bezala gauzatzen dela bermatzeko. Kasu honetan, Euskadiko Untxizainen Federazioarekin lankidetza beharrezkoa izan da, haren baldintzak betetzeko.
- Mahatsaren txortena mahats-bilketaren garaian sortzen denez, helbururik errealistena industria-prozesua 2023ko mahats-bilketarako ezartzea da, industria-nabea egokitzeko epeek eta ekipamenduen eskuragarritasunak mugatu egiten baitute martxan jartzea.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
