Kontsumo-ondasunak

Ihobe Eusko Jaurlaritza

LATXA ARTILE

LATXA ARDIAREN ARTILETIK ATERATAKO LEHEN MAILAKO JANTZI FUNTZIONALAK

Milioi bat latxa ardi inguru daude EAEn, eta lurraldearen sinbolo dira. Hala ere, haien artilea (2.500 tona inguru urtean) ingurumen-arazoa da artzainentzat, ez baitu erabilera komertzialik, eta gaur egun zabortegietan bakarrik amaitzen baitu. TERNUA 2009az geroztik dabil I+G+b probak egiten, lehengai hori jantziak egiteko aprobetxatzeko asmoz; izan ere, oso ezaugarri tekniko interesgarriak ditu: bakterio-kontrakoa, isolatzaile termikoa, termorregulatzailea, airea harrapatzen du, ondo funtzionatzen du bustita, suaren kontrakoa da, etab.

TERNUA GROUP enpresa nazioartekotua da, eta ehunak, kirol ekipamendua eta moda diseinatu, garatu eta merkaturatzen ditu, Astore, Ternua, Lorpen, Loreak Mendian eta Ternua Workwear marken pean. Gainera, jasangarritasunaren aldeko konpromiso sakona du. LATXA ARTILE ekimenaren buru izan da, eta bertan parte hartu dute MUTURBELTZ (Karrantza) elkarte agroekologiko, artistiko eta kulturalak artilea hautatzeko; LAMARIAKO AZPIKOA (Antzuola) baserriak, zeinak gazta ekologiko ugari egiten baititu AMATXO marka pean; eta, azkenik, ILETEGIA (Lapurdi) artile-fabrikatzaile adituak.

TERNUA
HELBURUAK
  • Latxa ardiaren artilea erabiltzearen bideragarritasuna baliozkotzea, ehun-merkatuan isolatzaile gisa sartzeko.
  • EAEko ardi-ustiategietan sortutako hondakinak ehuneko handi batean murriztea.
  • Isolatzaile termikoak sortzeko prozesuaren karbono-aztarna murriztea.
  • Jarduera tradizional eta ezinbesteko bati irtenbideak ematea.
  • Balio kultural eta identitario handia duen produktu bati balioa ematea.
  • Hurbileko birziklapena sustatzea.
  • Enpresen lehiakortasuna eta bereizketa hobetzea.
  • Tokiko abeltzainen garapen ekonomikoa bultzatzea eta etxalde eta baserri jasangarriak sustatzea.
EMAITZAK
  • EAEn jasangarritasun-irizpideak dituzten ardi-haztegien inbentarioa (ardi latxen edo karrantzako ardien artaldea, artaldeen elikadura ekologikoa, artzaintza askea eta Idiazabal gazta ekologikoaren ekoizpena).
  • Lehengaia lortzea, artilea mozteko prozesuak optimizatuz: LAMARIANO AZPIKOA baserriko 300 latxa ardien artilea moztetik, 540 kg inguru artile birjin eta manufakturarako egoki lortu ziren.
  • Artilezko arkume-larru isolatzailea lortzea, latxa ardiaren artilea (% 66) eta Nafarroako ardiarena (% 34) nahastuta. Horrela, isolatzaile trinko bat lortzen da: hezetasuna kudeatu eta kontrolatzen du, barruko transpirazioa xurgatzen du eta kanpoko hezetasuna uxatzen du, eta baldintza klimatologiko txarretan erosoa eta erabilgarria da.
  • Outdoor jakak egitea eta diseinatzea, arinak, transpiragarriak, iragazgaitzak eta termorregulatzaileak izan daitezen, ekodiseinu-irizpideen arabera: material biodegradagarriak erabiltzea (artileaz gain, arto-azukrearen biomasa erabiltzen da mintzerako); birziklatzea (botilen eta ehunen kontsumitu osteko PETa); ura uxatzeko tratamendua, konposatu fluoraturik gabekoa; BLUESIGN® ziurtagiria duen ehuna eta etorkizuneko birziklagarritasunerako bereizketa errazten duen diseinua.
  • EAEko artile guztia birziklatuko balitz, urtean 1.100 tona CO2 gutxiago isuriko lirateke, eta urtean 2.500 tona artile ekoiztuko lirateke.
ONDORIOAK
  • TERNUAk proiektu horren ondoriozko teknologiarekin diseinatutako lehen jantzia salgai dago markaren ohiko salmenta-puntuetan, eta Artile Jacket du izena; 1.200 ale daude.
  • Jakaren fabrikazio-zikloa azaltzeko, TERNUAk print berezi bat sartu du jakaren barruan, jakaren prestaketan eman diren urratsen berri ematen duena.
  • Halako material biodegradagarri eta erraz birsor daitekeena, alegia, ardi-artilea petroliotik datozen material isolatzaileen erabileraren alternatiba da, erauzketa eta fabrikaziotik eratorritako ingurumen-inpaktu handiak baititu azken horrek.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK