RETA ECO
KIROL APUSTUEN TERMINAL BERRIA
EKASA DIVERSIFICACIÓN KIDE DUEN RETABET ENPRESA-TALDEA DA estatu mailan apustu-eragiketekin lotutako prozesu guztiak (apustu-terminal propioen diseinua eta fabrikazioa barne) barne hartzen dituen sektoreko enpresa bakarra. Horrek beste inork ez duen balio erantsia ematen dio enpresari sektorean, non ez dagoen apustuterminalen diseinuari buruzko ingurumen-ikuspegiarekin eginiko ekintzarik edo jarduerarik.
RETA ECO proiektua EKASA DIVERSIFICACIÓNek zuzentzen du, eta beste hainbat konpainiak ere parte hartu dute: ADN DESIGNek, terminalen ekodiseinuan eta garapenean; iEXCEk, ekoizpenean eta muntaian; AVACONek, garapen elektrikoan; eta G6 POLIURETANOS TÉCNICOSek, pieza plastikoen horniketan.
MOTIBAZIO-FAKTOREA
HELBURUAK
- UNE EN ISO 14044:2006 eta 14006:2011 arauen arabera ekodiseinatutako apustu-terminal berri batean eratorritako ingurumen- eta merkataritzaonurak aztertzea, ebaluatzea eta ezartzea.
EMAITZAK
- Egungo terminalaren bizi-zikloaren analisiak (BZA) erakutsi du parteen eta osagaien produkzio-faseak eta erabilera-fasea ingurumen-inpaktuari dagokionez garrantzitsuenak direla. Lehenengoan elementu elektronikoak nabarmentzen dira, fase horretako inpaktuen % 90 baino gehiago eragiten baitute; bigarrenean, energia-kontsumoa, inpaktu guztien % 49, produktuaren ingurumen-aztarnari ekarpen handiena egiten dion alderdia.
- Prototipo garatua eta eraikia fabrikatu da. Hasierako RETA terminalarekin alderatuta inpaktuak murriztu dira, % 0,4 eta % 3,4 artean, inpaktukategoriaren arabera.
- Terminalaren pisua 5,43 Kg jaitsi da (pisu osoaren % 3,4).
- Urtean 7 tona lehengai aurrezten dira eta kostu unitarioa % 10 murriztu da.
ONDORIOAK
- Gaur egun ez da bete terminaletarako kalkulatutako 10 urteko bizi-zikloa, eta, beraz, instalatutako eta erabiltzen ari diren terminalen lehen belaunaldiaren analisiarekin ari da aberasten sistemaren ezagutza osoa.
- Hartutako neurriek ez dute terminalaren ekoizpena garestitzen, eta, ondorioz, erraz sar daitezke produktuaren proposamen berrietan. RETA ECO 5 EVO izeneko garapen berrieneko terminalean, adibidez, erraz sartu dira.
- RETA ECO dibertsifikazio garrantzitsua da enpresarentzat, haren lehiakide diren enpresa bakarrak ere ez baitu halako hobekuntzarik egin. Horregatik, RETA ECO terminalaren garapenak indartu egin du enpresak sektorean duen lidergo-posizioa eta ingurumenarekiko duen konpromisoa.
- Gaur egun, urte gehien dituzten terminalen parkearen bizi-amaierako kudeaketa hobetzeko protokoloak garatzen ditu enpresak, ezarritako bizi-zikloa betetzetik hurbil.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
