Ekipo elektrikoak eta elektronikoak

Ihobe Eusko Jaurlaritza

SILIVAL

KAUTXUZKO FORMULAZIOETARAKO BIGARREN MAILAKO ALUMINIO OXIDOAK EKOIZTEA ETA ERABILTZEA

BEFESAk, hots, aluminioa birziklatzen aitzindaria den konpainiak, ikerketa-lerro bat garatu du zenbait urtez, material konposatu plastikoen eta kautxuen fabrikazioan erabilitako sugarraren gehigarri atzeratzaileen ordezko lehengai bat martxan jartzeko helburuarekin. Material hori, zeina komertzialki Paval® izenez ezagutzen baita, batez ere gatz-zepen balorizaziotik eratorritako aluminio birziklatu oxidoa da. Bigarren mailako aluminio oxidoa jatorri primarioko Aluminio Tri Hidratatuaren (ATH) alternatiba bat izango litzateke, sugarraren atzeratzaile gisa erabiltzen dena; Europako manufaktura-industriak urtero 170.000 tona baino gehiago kontsumitzen ditu. Aurretiazko proiektuen bidez, amaiera eman zitzaion oxidoan hidratatutako aluminaren kantitatea optimizatzeko erronkari, aluminioa birziklatzeko prozesua aldatu gabe haren eraketan eragina izan dezaketen aldagaiak aztertuz. Paval® delakoaren jatorri birziklatua dela-eta, zaila izan daiteke materiala etengabe hornitzea, eta horrek produktua merkatuan berehala sartzea eragozten du.

BEFESA da SILIVAL proiektuaren buru, eta LEARTIKER zentro teknologikoarekin lan egin du proiektu horretan.

BEFESA
HELBURUAK
  • Paval® materialaren behin betiko bideragarritasun tekniko-ekonomikoa frogatzea, batez ere sektore elektriko eta elektronikoetara bideratutako kautxuzko silikona-formulazioetan sugarraren karga polimeriko atzeratzaile berrietarako lehengai gisa.
  • Oxidoaren beste mota batzuen aldean, aluminio oxido hidratatuen eraketa aztertzea eta sustatzea.
  • Formulaziorako ezarritako eskakizunak betetzea: silikonen propietate mekanikoak penalizatu gabe.
EMAITZAK
  • Silikonazko kautxua lortzea, aluminio oxidoaren produktu komertzialaren % 40 SILIVAL enpresak garatutako jatorri birziklatuko alternatibarekin ordezkatuz.
  • 4.250 tona lehengai (ATH) eta 4.040 tona CO2 baliokide aurreztea.
  • Paval® materialaren barruan oxido hidratatuen eraketa kontrolatu eta optimizatzea, sugarraren atzeratzaile gisa jarduteko gaitasuna hobetze aldera.
  • Bigarren mailako aluminio oxidoa lortzeko prozesu osoa kontrolatzea: galdatze-prozesua, hoztea eta, ondoren, gatz-zepa balorizatzea, modu hezean. Zenbait aldagaik fase kristalografikoen eraketan, aluminio oxido hidratatuaren eraketan eta korindoi motako oxidoaren eraketan duten eragina aztertu zen, eta hidrato askoko bigarren mailako aluminio oxidoa lortu zen, sugarraren efektu atzeratzailerako egokia.
  • LEARTIKERek aurreko proiektuetan garatutako silikonazko kautxuaren formulazioetan hidratoan aberatsa den aurreko etapetako Paval® materiala gehitzea suaren kontrako gehigarri gisa, eta prestatutako nahasketen propietate mekanikoak, erreologikoak eta suaren kontrakoak zehaztea.
ONDORIOAK
  • Aipagarria da saiakuntzak BEFESA ALUMINIO enpresaren I+G+b proben zentroaren barruan egin zirela. Zentro horrek bigarren mailako aluminio oxidoa lortzeko prozesu osoa egitea ahalbidetzen duten ekipamenduak ditu.
  • SILIVAL proiektua gauzatuta, ondorioztatu zen Paval® materialean oinarritutako karga garatua ez dela alternatiba bat sektore horretan ATHren kontsumoa erabat ordezteko, baina irtenbide partziala izan daiteke. Jatorri naturaleko materialen kontsumoa murriztu daitezke; jatorri birziklatuko produktuei balioa eman ahal zaie, eta formulazioen kostua murriztu daiteke.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK