CLCIRCULAR
IOT GAILU BERRERABILGARRIAK, SALGAIAK DENBORA ERREALEAN MONITORIZATZEKO ETA PRODUKTUAK ALFERRIK EZ GALTZEKO
SALGAIEN % 50 ITSAS GARRAIOKO EDUKIONTZIETAN ERAMATEN DA, eta haien istripu-tasa % 50 baino gehiagokoa da. FAOren arabera, urtero ekoizten diren elikagaien herena galtzen da, gutxi gorabehera1.600 milioi tona elikagai, eta horietako % 14 inguru garraioan gertatzen da. Galera horiek ingurumenean, gizartean eta ekonomian eragin handia dute.
Albiste ona da galera horiek % 75eraino murriztu daitezkeela kalitatezko eta garaiz jasotako informazioarekin, baina hori ahalbidetzen duten teknologiak oso garestiak dira eta balio erantsi handiko produktuetan soilik erabiltzen dira. CLCircularek kate logistikoaren denbora errealeko jarraipen-zerbitzua eskaintzen du, IoT sentsore berrerabilgarri eta alokagarrien bidez. Zerbitzu horrek produktu galkorren garraioan eta biltegiratzean ingurumenparametroei buruzko datuak biltzen ditu hodeiean dagoen plataforma batean, ikusgarritasuna eta kontrola lortzeko. Hari esker, prozesuak optimizatu eta galerak murrizten dira. Proiektu horretarako, CLCircularrek GAIKER Teknologia Zentroa izan du laguntzaile.
MOTIBAZIO-FAKTOREA
HELBURUAK
- Munduko lehen termografo berrerabilgarria garatzea.
- Produktuak bere bizi-zikloan duen ingurumen-inpaktua murriztea, baterien bizitza luzatuz eta ingurumena errespetatzen duten materialak eta birziklagarriak sartuz.
- Fabrikazio-kostuak murriztea.
- Erakundearen lehiakortasuna hobetzea, gailuen alokairuarekin lotutako negozio eredu berri batera aldatuz.
- Ekonomia zirkularrean duen izaera eredugarria dela eta mundu osoan zehar hedatzeko ahalmena duen irtenbide berritzaile bat lortzea.
EMAITZAK
- Gailu berrerabilgarria eta arrazoizko prezioan lortzeko modukoa, hotz-katea denbora errealean monitorizatzeko balio duena.
- Baterien eta gailuaren iraunkortasun handiagoa, eta SIM txartelak aldatzeko erraztasuna.
- Informazioaren segurtasunari buruzko bermeak: denbora errealeko informazioa produktuen segurtasuna eta kalitatea bermatzeko; Blockchain zigilu bat txertatzea gardentasuna eta enpresa bezeroekiko komunikazio segurua hobetzeko; eta informazioaren korrelazioa, big dataren potentzial guztia ustiatzeko eta logistika optimizatzeko.
- Eragiketek CO2an edo salbatutako elikagaietan duten inpaktuaren kalkulua egin da sisteman bertan.
- Gailuaren bizi-zikloan ingurumen-inpaktuaren % 90 murriztu da, berrerabili ezin diren dataloggeren aurrean.
- Datalogger bakoitzeko 2,25 kg txatarra murriztu da.
- Datalogger bakoitzeko produktu galkorren hondakinak murriztu dira (70 eta 140 tona fruta artean).
- Urtean 20.000 tona CO2 baino gehiagoren baliokide murrizten da, elektronikan, elikaduran eta ingurumenean aurrezteari esker.
ONDORIOAK
- Merkatuan irtenbide berri-berria lortu da, eta horren bidez, gailu bat erosi ordez zerbitzu bat kontratatzen da: gailuaren erabilera enpresa bezero jakin batekin lotzen da, eta informazioa denbora errealean eta konfidentzialtasun osoz pasatzea bermatzen da. Behin zerbitzu hori amaitzean, gailua berreskuratu eta berriz ere zirkulazioan jartzen da.
- Garapen-prozesuan funtsezkoa izan da beste enpresa eta erakunde batzuen laguntza izan du, bai esparru publikokoak (laguntza- eta finantziazio programekin, ekipoaren prestakuntza eta garapenarekin), bai pribatukoak (enpresa hornitzaileak eta inguruko zentro teknologikoak, klusterrak, eragina duten enpresen bizkortzaileak, finantza-erakundeak eta probak egiteko bezeroak).
- Ondorengo faseetan, nazioarteko merkataritza-ekintza zabalduko da eta garapenarekin eta hobekuntzekin jarraituko da, azken bezero enpresan hautemandako proben, gomendioen eta premien arabera.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
