BIRSAND
HORMIGOIRAKO AGREGAKINAK EKOIZTEA, GALDAKETA-HAREETATIK ABIATUTA
Eraikuntza-sektorearen egungo egoeran, non materialetako marjinak gero eta txikiagoak diren, industria-hondakin bat azpiproduktu gisa erabiltzeari esker, hormigoia fabrikatzeko agregakinen kostua nabarmen murriztu daiteke. Bestalde, galdaketa-harea bezalako hondar-material baterako aplikazio berriak aurkitzeak onura bikoitza dakar jasangarritasunaren ikuspegitik: (1) materialarentzako irteera-bide berri bat, hondakin horien kudeaketa erraztuz, eta (2) baliabide natural berriztaezinen kontsumoarekin lotutako ingurumen-inpaktuak murriztea.
Hormigoizko aurrefabrikatuetan aditua den HORMOR konpainia izan da BIRSAND proiektuaren buru. TECNALIA zentro teknologikoaren laguntza izan du, eta FERROCARRILES AMURRIOtik datozen galdaketa-hareak erabili ahal izan ditu.
MOTIBAZIO-FAKTOREA
HELBURUAK
- Galdaketa-hareak hormigoirako agregakin fin gisa erabiltzea baliozkotzea.
- Ferrocarriles Amurriotik datorren silikatozko harea kimikoa hormigoirako agregakin gisa erabiltzeko adostasuna bermatzea, ohiko erabilerarako zehaztapenak betez.
- Galdaketa-hareetarako hainbat agertoki definitzea, eta hormigoizko formulazio optimoak diseinatzea hasieran aurreikusitako erabileretarako.
- Galdaketa-harea hormigoirako lehengai gisa balorizatzeko zehaztapenen agiria definitzea. Eta eraikuntzarako hormigoiaren fabrikazioan galdaketa-hareen erabileraren egokitzapenari buruzko Europako azterketaren aurretiazko izapidetzea, zeina CE marka lortzeko oinarria izango baita.
- Etorkizunean, borondatezko CE marka baten bidez, 22/2011 Legearen alternatiba dinamikoagoa lortzea, galdaketa-moldeetatik datorren silikatozko harea kimikoaren hondar-fluxua “eraikuntzako hormigoirako agregakina” azpiproduktu gisa aitortzea ahalbidetuko duena.
- Eraikuntzarako hormigoia fabrikatzeko materialari lotutako kostuak murriztea.
- Bizi-zikloari lotutako ingurumen-inpaktu nabarmen txikiagoak dituzten produktuak lortzea.
EMAITZAK
- Galdaketa-hareak baliozkotzea proposatutako helbururako, konposizio kimikoaren eta lixibiazioaren ikuspegitik.
- Moldaketa-hareaz prestatutako hormigoien propietateen galera erlatibo txikiagoak, erreferentziako HA-35 hormigoien aldean.
- Gaur egun HORMORek erabiltzen duen fabrikazio-prozesuan, ez da beharrezkoa egokitzapen gehigarririk egitea FERROCARRILES AMURRIOren moldaketa-hareen balorizazio-prozesuan.
ONDORIOAK
- BIRSAND proiektuak hainbat piloturen garapenaren bidez erakutsi du hormigoirako galdaketako moldaketa-hareak erabiltzea teknikoki eta ekonomikoki bideragarria dela. Proiektuaren emaitzek erakusten dutenez, emaitzaren azken propietateak hobeak dira garatutako produktuan hormigoi baliokide tradizional batean baino.
- BIRSANDek produktua berme guztiekin merkaturatu ahal izateko beharrezko dokumentazioa sortu du. Gainera, eskualde-ebaluazio bat eta Europako ebaluazio teknikoa lortzeko abiapuntua izango da. Horri esker, prestazioen adierazpena prestatu eta produktuaren borondatezko CE marka ezarriko da, Eraikuntzako Produktuen Erregelamenduan ezarritakoaren arabera.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
