RAAC
HORMIGOI AURRENAHASIAREN FABRIKAZIOA, ERAIKUNTZAKO ETA ERAISPENEKO HONDAKINETATIK ABIATUTA
Urtean EAEn sortutako ia 600.000 tona hondar-hormigoi, adreilu, zeramika zaharkitu eta eraispen-agregakinen nahasketarako eskala handiko irtenbide integrala harrobiek eta agregakin naturalen fabrikazioak izan behar dute, beren produktu-zorroan bigarren mailako agregakinak partzialki gehitzeari begira. Horrela, agregakin naturalaren urteko 3,5 milioi tonatik gorako erauzketa murriztuko litzateke, zeinetatik % 30 baino gutxiago egiturazko hormigoien fabrikazioaz bestelako aplikazioetara bideratzen baitira. Eusko Jaurlaritzaren helburua eraikuntzako eta eraispeneko hondakinen (EEH) % 70 birziklatzea da.
EUSKAL ARIDO, EAEko erauzketa-industrien eta harrobien federazioa, RAAC proiektuaren buru da. Bertan parte hartu dute, halaber, ECALSA eta AIZKIBEL/CALCINOR harrobiek, TECNALIA zentro teknologikoak, eraikuntzako eta eraispeneko hondakinak kudeatzen dituzten BTB eta GARDELEGI enpresek, eta EYP DE MINERIA Y MEDIOAMBIENTE SL ingurumen-aholkularitzak eta -ingeniaritzak (EyP Consulting).
MOTIBAZIO-FAKTOREA
HELBURUAK
- Agregakin artifizialen konposizio berrien ekoizpena industria-mailan optimizatzea eta frogatzea, harrobiko material pikortsua eta eraikuntzako eta izaera mistoko eraispeneko hondakinen balorizaziotik eratorritako bigarren mailako material pikortsua konbinatuz.
- EEHak erabiltzearen ondoriozko ingurumen-inpaktua murriztea eta balio-katean hobekuntza ekonomikoak lortzea, agregakin naturalen enpresen eta bigarren mailako agregakinen enpresen arteko sinergiak aprobetxatzeagatik.
- Agregakin birziklatuaren eta agregakin naturalaren konbinazio optimizatuaren bidez, agregakin kategoria berriak ekoiztea instalazioan.
- EAEn agregakin artifizialeko kategoria horiekin egindako eskari iraunkorreko produktu bat fabrikatzea gutxienez.
- Eusko Jaurlaritzaren Eraikuntza Kalitatearen Kontrolerako Laborategiko Eraikuntza eta Hirigintzako Lanetarako Salneurrien Datu-basean EEHak dituzten materialen kapitulu berri bat txerta dadin bultzatzea administrazioan, eta material hori erosketa publiko berdearen irizpideetan txertatzea.
EMAITZAK
- Agregakin birziklatu mistoen bideragarritasun teknikoa, proposatutako nahaste eta ehunekoetarako hormigoia fabrikatzeko erabiltze aldera.
- Ingurumena hobetzea, izaera mistoko EEHetan txertatutako baliabideen metabolizazio handiagoa bermatzen baita, eta urtean 362 tona CO2 baliokide aurrezten baitira.
- Balio-katearen hobekuntza ekonomikoa eta negozio-hobekuntza, agregakin naturalak eta bigarren mailako agregakinak fabrikatzen dituzten enpresen arteko sinergiak direla-eta.
- Agregakin birziklatu misto eta agregakin naturalen nahasketak sartzean hormigoiak fabrikatzeko aplikatu behar den araudi teknikoa betetzea.
- Enplegu-aukera berriak sustatzea eta daudenak mantentzea.
ONDORIOAK
- Beharrezkoa da hormigoiaren parte den agregakin birziklatuen produktua gehiago kontrolatzea, adibidez, CE markaren bidez edo beste kontrol gehigarri batzuen bidez.
- Ekintza horiek burutzeko, agregakin birziklatuen erabilera bultzatuko duten politika publikoak garatu beharko lirateke (erosketa publiko berdea, ekoetiketa garatzea, agregakin birziklatu misto eta agregakin naturalen nahasketetatik datozen produktuen erabilera sustatzea).
- EEHak kudeatzeko instalazioetan ekoiztutako agregakin birziklatuen kalitatea hobetzeak EEHak gehiago berreskuratzen lagunduko luke.
- Garrantzitsua litzateke sektoreko esparru-akordio bat garatzea, eraikuntza-lanetan EEHetatik datozen agregakin birziklatuak erabil daitezen bultzatzeko.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
