Ekoberrikuntza - Ihobe

Zabor-legarraren bigarren mailako irtenbideak lortzea; horretarako, errepide-zoruen ekoizpenean errausketa-zepak izango dira abiapuntu, harrobiko agregakin naturalen alternatiba gisa. Eta, gainera, zabortegian deuseztatzearen kostu ekonomikoa murriztea.
Hondakina funtzionalki eta ingurumenaren aldetik ezaugarritzea, bai laborategiko eskalan, bai benetako erabilerako ingurune batean.
Laborategian tratamendu-alternatiba berriak aztertzea, behar izanez gero industrializatu ondorengo faseetan erabiltzeko.
EAEn, etorkizunean, hondakin horiek balorizatzeko dekretua egiteko oinarri izango diren zehaztapen egokiak definitzea, Euskal Autonomia Erkidegoko Errepide-sareko Zoruak Dimentsionatzeko Arauan sartzeko eta CE marka lortzeko.

Karakterizazioan lortutako zenbait lixibiatuk eta guztizko edukik ez dituzte legezko mugak betetzen.
Hondakina tratatzeko alternatiba berriak garatzea: frakzio fina bereiztea eta ureztatzea (125 l/m²).
T2 tarteetarako zabor-legarrezko prototipo garatuak, zepa-agregakinen % 35 eta % 75 arteko ehunekoekin.
Zoruaren proba pilotu gauzatua, eta amaierako garapenen baliozkotze esperimentala, Eskuzaitzetako poligonoko (Donostia) EX2 zabalgunearen gaineko T3 tartean; 1.1 motako zoruko 4 sekzio, 12 cm-ko asfaltoarekin, zabor-legarrezko prototipoen gainean, 25 cm-ko 2 geruzatan: kontrol-tarte bat (% 0 zepa) eta % 30, % 50 eta % 70eko zepak dituzten 3 tarte.
Zabor-legar tona bakoitzeko 9,4 kg CO₂ gutxiago isurtzea, eta aztertutako kategoria guztietan inpaktuak murriztea harrobitik datorren agregakin naturalaren erabilerari dagokionez, lehengaiak lortzeko fasearen eta garraioaren murrizketaren ondorioz.
Administrazioari proposatutako baldintza-agiria, errausketa-zepak zabor-legarretarako agregakin gisa funtzionalki eta ingurumenari dagokionez balorizatzeko zehaztapenekin.
Kontsulta-inprimakia EOTAri aurkeztea, hau da, Eraikuntzako Produktuen Erregelamenduan ezarritako eraikuntza-produktuen Ebaluazio Teknikorako Europako Erakundeari.

Planteatutako irtenbideak merkaturatzeko, lixibiazio-emaitzak eta materialaren guztizko edukiak berriz baloratu beharko da, Eusko Jaurlaritzako Ingurumen Sailak errausketa-zepak balorizatzeko berariazko ingurumen-dekretua argitaratu ondoren. Birrebaluazio hori funtsezkoa da tratamendu-prozesu berriak ezartzeko edo ez ezartzeko.
Errausketa-zepek zatikatzeko erresistentzia txikia dutenez, beharrezkoa da horiek beste material erresistenteagoekin nahastea, eta, horretarako, kudeaketa logistiko gehigarria egin behar da. Gainera, pilotuak benetako eskalan egitean zailtasunak egon ziren materiala trinkotzeko, eta ohikoak baino exekuzio-epe luzeagoak behar izan ziren.
FCC, GHK eta TECNALIAk 1-2 urteko epean modu formalean ekingo diote errausketa-zepek eraikitzeko material gisa CE marka eskuratzeari.

HIRI-HONDAKIN SOLIDOEN ZEPAK ERABILTZEA ZORUEN GERUZA PIKORTSUETAN