Automobilgintza

ECOTAPE

GARRAIO IBILGAILUETARAKO POLIPROPILENOZKO OSAGAI BIRZIKLATUAK

AUTOMOBILGINTZAREN ETA GARRAIO-OSAGAIEN SEKTORE BERRIAREN LEHENTASUNAK, oro har, honako hauek dira: ibilgailuaren pisu osoa murriztea, CO2 isuriak murrizteko; ibilgailu elektrikoaren potentzia eta autonomia hobetzea; eta, horrez gain, birziklapenaren araudia betetzea. Zuntz jarraituko konposite termoplastikoak edo CFT (Continuous Fiber Thermoplastic) ezaugarri tekniko altuak, dentsitate baxua, kanpokoarekiko portaera ona eta birziklagarritasun ona duten material berriak dira. Metal edota plastiko teknikoen ordezko gisa erabiltzeko merkataritza- eta teknologia aukera argia da. Produktua erabiltzen hasiberriak dira, fabrikazio- eta eraldaketa-teknologiak garestiak izateaz gain, produktu sortaren eskasia dagoelako. Gauzak horrela, ezin da birziklatutako iturrietatik datozen matrize termopIastikoez eginiko zinta termopIastikoez gozatu.

CIE Automotive prozesuetan espezializatua den enpresa da, eta automobilgintzako osagaiak eta azpimultzoak fabrikatzeko dauden teknologia guztiak menperatzen ditu. ECOTAPE aurrera ateratzeko GAIKER Zentro Teknologikoarekin eta RECYCLAIR hondakinen kudeaketa enpresarekin lankidetzan aritu da.

CIE AUTOMOTIVE
HELBURUAK
  • Egiturazko funtzioa duten lurreko garraio-ibilgailuen osagaien fabrikazioan erabiltzeko material konposatu berriak sortzea, eta material konposite horiek erabiltzearen kostua murriztea haien fabrikazio- prozesuen diseinuaren, berrikuntzaren eta optimizazioaren bitartez.
  • Garraioaren sektorean gure artean oraindik lehiarik ez duen pieza lehiakorragoen sorta bat txertatzea, egungo zatiak eskatzen duen errendimendu teknikoari eusten dioena eta beste sektore batzuetara era arin batean dibertsifikatzeko aukera ematen duena.
  • Gaur egun energia balorizaziorako beste material batzuekin nahasten diren polipropilenoaren (PP) plastikozko frakzioak berriro ere ziklo ekonomikoan txertatzea bigarren mailako lehengai gisa. 
  • PP birziklatuz eginiko zinta termoplastiko bat garatzea: lan-sistema martxan jartzea, PP iturria hautatzea eta sailkatzea lortutako produktuaren homogeneotasuna bermatzeko eta matrize termoplastikoaren zehaztapenak ECOTAPEren behar partikularretara egokitzea.
EMAITZAK
  • Sabai-moduluaren egituran erabilitako pieza baten ekoizpen-zikloaren garapen osoa egin da, horretarako sorturiko konposite xafla egin zenetik erakusle edo prototipoaren fabrikaziora arte, bere diseinutik, eraldaketa-prozesutik, beharrezko tresnen fabrikaziotik eta produktuaren karakterizaziotik pasata.
  • Urtean 2.700 tona CO2ren baliokide potentzial aurreztea kalkulatu da.
ONDORIOAK
  • ECOTAPEren muga tekniko nagusia PP birziklatuaren frakzio homogeneo eta araztuaren erabilgarritasun eza da, eta baita plastikozko matrize birziklatuaren eta errefortzu-materialaren artean interakziorik ez egoteko aukera ere.
  • ECOTAPEren garapenak hainbat ekintza-lerrori eutsi behar die: prozesatzeko tekniken optimizazioari zinta lehiakorra lortzeko, errendimendu mekanikoa hobetzeari, diseinatutako osagaien lodiera murrizteari eta birziklatutako PP korrontearen arazketan sakontzeari berezkoak ez dituenen presentzia minimizatzeko.
  • Ingurumen-inpaktua positiboa izan bada ere, zinta lehiakorragoa egiteko hobetze teknikoaren beharrak matrize birziklatuekin eginiko zinta termoplastikoak prozesatzeko industriarako jauzia eragozten du, oraingoz.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK