Eraikuntza eta obrak

HUFRO

ERREPIDEEN FRESAKETAK ERRODADURA-GERUZA BERRIETAN ERABILTZEA

ERREPIDEEN BIRGAITZEARI DAGOKIONEAN, EGINBEHAR NAGUSIA NAHASKETA BITUMINOSOAK GOIKO GERUZETATIK KENTZEA (normalean fresaketa bidez) eta horien ordez nahasketa berriak jartzea da, errodadura-gainazalak erosoa eta segurua izaten jarrai dezan. Urtean nahasketa bituminosoen 50.000 tona inguru sortzen dira EAEn, eta horiek nahasketa berriak fabrikatzeko erabil daitezke, agregakin zaharra hezurdura mineral berriarekin eta betun zaharra betun berriarekin nahastuta osatzen direlako. Bestalde, agregakinak eta betunak nahasketa bituminosoaren % 75 inguru balio dute, eta betuna da, alde handiarekin, nahasketa bituminosoaren materialik garestiena. Beste aurrezpen garrantzitsu batzuk ingurumenarena eta energia-kontsumoarena dira, eta garraio-, isurketa- eta fabrikaziokostuen murrizketekin egin daitezke. Dena den, EAEn ez da teknika garatu, araudiak ez duelako baimentzen goiko geruzetan edo errodadurakoetan material birziklatuak erabiltzea, horiek direlako gehien ordezten direnak. Gaur egun, oinarriko eta tarteko geruzetan bakarrik erabil daiteke fresaketa-agregakina.

Sektorean aditua den ASFALTADOS OLARRA enpresa HUFROren buru izan da, eta CIESM-INTEVÍA azpiegitura zibileko ingeniaritzarekin eta BILBOKO PORTUArekin elkarlanean aritu da.

ASFALTADOS OLARRA
HELBURUAK
  • Errepideetako probetan errodadura-geruzetan material fresatuak erabiltzeko aukera dagoela egiaztatzea nahasketa bituminoso beroaren masa osoaren % 20 inguruko tasetan.
  • Bilboko Portuaren barruan errodadura-geruza duen bide tarte batean proba egitea, karga handiko kamioien trafiko moderatua dagoen noizbait (gutxi gorabehera 80 kamioik pasa behar dute egunean).
  • Laborategian eta fabrikazio-zentralean nahasketak karakterizatzea.
  • Proba-tartetan edukitzen den portaera behatzea, eta epe ertainean ezaugarrien jarraipena egitea (bi urtez).
  • ASFALTADOS OLARRA enpresak 15.000 tona errepide-fresaketa berreskuratu ahal izatea urtean, gaur egun zabortegira bideratzen direnak.
EMAITZAK
  • Siderurgiako agregakin lodi batekin eta ofi tiko motako agregakin lodi batekin nahasteak aplikatu dira.
  • AC16 Surf motako nahasketa bituminoso batean % 20ko fresaketa erabili da errodadura-geruzarako, materialaren kalitatea murriztu gabe.
  • Material berriak lehendik zeuden material birjinen antzeko ezaugarriak ditu (harrobiko agregakinekin alderatuta).
  • Ez da inolako anomaliarik egon prestatutako zatietan 12 hilabetean, hau da, martxan jarri zenetik.
  • Produkzio-kostu unitarioa % 7 murriztu da eta merkatu-kuota % 5 igo da.
  • ASFALTADOS OLARRA, S.A. enpresak zabortegira bidalitako materiala urtean 15.000 tona murriztu da.
ONDORIOAK
  • Fresaketak maneiatzeko eta beroko nahasketa bituminosoetan sartzeko jarraibide nahikoak daude T2tik T4ra bitarteko trafikoetan errodadura-geruzen teknika orokortu ahal izateko.
  • Honako puntu hauetan jarri behar da arreta: material fresatu homogeneo bat lortzea, dosifikazio egoki bat egitea zehaztapenak bete daitezen eta materiala behar den tenperaturan nahastea, gainberotzerik edo bero faltarik gabe.
  • Lan-gida bat idaztea komeni da, laborategian materiala maneiatzeko eta aplikazio horren kalitatekontrola egiteko jarraibide zehatzekin.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK