Metalgintza

Ihobe Eusko Jaurlaritza

ERIC

ERREGOGORREZKO EKOPRODUKTUEN GAMA BERRIA

Material erregogorrak ekoizteko erabilitako purutasun handiko lehengaien eskuragarritasun geografiko txikia eta horiekin lotutako ingurumen- eta ekonomia-arazoak gorabehera, manufakturan erabilitako material birziklatuaren tasak txikiak dira, eta material erregogorren sektorean % 10-15 artekoak. Ehuneko hori handitzea lehentasuna da sektoreko balio-kate osoarentzat, material birjinen eskasia, kostu handia eta jatorri oso urruneko ekoizpena direla-eta.

ERIC proiektuaren buru KROSAKI da, zeina munduan erregogor gehien ekoizten duen enpresetako bat baita. Proiektuan TECNALIA zentro teknologikoak ere parte hartu du.

KROSAKI AMR
HELBURUAK
  • Zementu-instalazioetatik eratorritako hondakin erregogorreko mineral balorizatuen % 50 eta % 75 artean berriz sartzea.
  • Ekoproduktu erregogorren gama berri bat ekodiseinatzea eta garatzea helburu horrekin.
  • Azken produktuaren ingurumen-inpaktua minimizatzea, minerala gutxiago erauzten delako eta garraio gutxiago behar delako.
  • Materialaren fabrikazioan produktibitatea % 30 handitzea.
  • KROSAKIren enpresa bezeroari produktu jasangarri bat eskaintzea, eta, aldi berean, zementu-fabrikako hondar-materiala bizitzaren amaieran transferitzeko irtenbide bat, ingurumen-inpaktu txikiko ekoproduktu berri bat merkaturatuz.
EMAITZAK
  • Tratamendu termiko bidez balorizatutako zementu-labeetako hondakin erregogorrak % 75era arte barne hartzea ekoproduktu erregogor berrien garapenean, karakterizazio arrakastatsuarekin eta bideragarritasun teknikoarekin.
  • Ekoproduktu erregogor berrien karbono-aztarna % 67 murriztea.
  • Ekoproduktu berriaren tona bakoitzeko, 2,5 tona CO2 baliokide aurreztea.
ONDORIOAK
  • Material erregogor balorizatuaz fabrikatutako ekoproduktuek zementu-labeetako eremu jakin batzuetan berriz sartzeko behar diren propietate fisiko-kimikoak dituzte, eta, horrela, material erregogorren ekonomia zirkularra bultzatzen da.
  • Lehen ekoproduktuak teknikaren, ingurumenaren, ekonomiaren eta merkataritzaren ikuspegitik arrakastaz lortu ondoren, etorkizun hurbilean zementu-labeko produktuak baliozkotzea eta azken homologazioa egitea aurreikusten da.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK