Elikagaigintza

ELIKAPEF

ELIKAGAIEN INGURUMENAZTARNA EAEN

ELIKAGAI-KATEAREN HONDAKINAK ETA ISURKETAK EB OSOAREN %10 DIRA, gutxi gorabehera. Europako Batzordeak argi utzi zuen 2011n kontsumitzaileek eskubidea dutela produktuen ingurumen inpaktua ezagutzeko eta informazio egokia jasotzeko, benetako aukera jasangarriak erraz identifikatzeko aukera izan dezaten. Baina ingurumen-portaera ebaluatzeko eta hari buruz jakinarazteko ekimenak ugaritzeak nahasmena sortzen du kontsumitzaileen artean, eta kostu gehigarriak ekartzen dizkie enpresei. Testuinguru horretan, Europako Batzordearen 2013ko apirilaren 9ko 2013/179/ EB Gomendioak produktuen, zerbitzuen eta enpresen ingurumen portaera neurtzeko eta hari buruz jakinarazteko metodo komunak definitu zituen, bizi-ziklo osoan ingurumenean duten eraginaren ebaluazio zehatza oinarri hartuta, Produktuaren Ingurumen Aztarna (PIA) izenpean. Beren produktuei dagokienez, metodologia hori ezartzen duten enpresek abantaila bat dute lehiakortasunaren ikuspegitik, baina ez da horren erraza izaten ezartzea, oztopo batzuk baitaude, hala nola: datuak biltzeko zailtasuna eta informazioa globalizatutako balio-kate batean kudeatzea.

EROSKI, banaketa-enpresa kooperatiboa, ELIKAPEFen buru da, eta honako hauekin lankidetzan aritu da: AZTI Zentro Teknologikoarekin, INGENET software industrialeko enpresarekin, BALENZATEGUI ur naturalaren botilaratzailearekin eta ERREKALDE TXAKOLINA ardoekoizlearekin.

EROSKI
HELBURUAK
  • Elikadura-katean EAEko elikagaien ingurumenaztarna kalkulatzeko eta eraginkortasunez komunikatzeko aukera emango duen sistematika eta metodologia bana ezartzea, Europako Batzordearen jarraibideei jarraituz.
EMAITZAK
  • Tresna berritzaile bat garatu da, aitzindaria: hain aitzindaria ezen Europako Batzordearen Produktu aren Ingurumen Aztarnaren metodologia ELIKAPEFen garapenarekin batera egin den. ELIKAPEFek ingurumenaren informazioaren bilketa sinplifikatzen du, eta ingurumen-aztarnak kalkulatzeko eta produktuak eta hornitzaileak alderatzeko kudeaketa errazten du.
  • Elikagaien sektorean produktuaren ingurumenaztarnaren kalkulua egiaztatzeko egiaztapenbaldintza egokituak definitu dira.
  • Metodologia balioztatu da, eta horretarako Euskadiko bi ETEtako txakolin-erreferentzia bat eta botilaratutako uraren erreferentzia baten ingurumenaztarnak kalkulatu dira. Emaitzen arabera, bi produktuek ingurumen-profil hobea dute kategoria horien Europako erreferentzia baino.
  • B2B (business-to-business) komunikazioprotokoloa ezarri da, azken kontsumitzailearengana iristen ez diren enpresei lehiarako abantaila bat emateko.
  • Mahastizaintzako eta ardogintzako sektoreetarako eta uraren sektoreetarako ingurumen-teknika onenak ezartzeko gidak egin dira.
  • Kontsumitzaileek ingurumen-etiketa nagusi batzuei buruz zer dakiten ebaluatu da, eta emaitzek erakusten dute ez dituztela ezagutzen. Erosketa errazteko asmotan erabiltzen diren ingurumen-jakinarazleen artean lehenesten dena koloreak eta letra sistemak nahastuan ematea da.
ONDORIOAK
  • ELIKAPEFen egindako lanari esker, balio-katea sendotu eta ekimen berriekin lan-ildoarekin jarraitu da.
  • Gainera, tresnaren malgutasunari esker, EROSKIk proiektuaz bestelako kategorietako produktuen ingurumen-informazioa biltzen jarrai dezake.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK