Automobilgintza

Ihobe Eusko Jaurlaritza

RESDE

DIREKZIO-SISTEMA ELEKTRONIKOEN BIRFABRIKAZIOA

Ibilgailuentzako direkzio-sistema elektronikoak 2000. urtetik daude merkatuan, gutxi gorabehera. Hasieran oinarrizko teknologia zuten, eta erraza zen elementu horiek berriz fabrikatzea. Denborak aurrera egin ahala, bilakaera handia izan dute, komunikazio-protokolo aurreratu berriak txertatu baitira, eta, ondorioz, teknologia hori eskuratzeko zailtasun handiak daude orain. Sistema horien jatorrizko fabrikatzaileek elementu horiek bortxaezinak izatea nahi dute eta horretaz arduratzen dira; hala, izugarri zailtzen dute haien irisgarritasuna balizko konponketa edo birfabrikazio bati begira, aftermarketeko alternatiba bakar gisa sendotzeko asmoarekin. Gaur egun, merkatuak, hainbat hornitzaileren bidez, kudeaketa-makinak eskaintzen ditu, elementu batek huts egiten duela eta beste elementu batekin ordezkatu behar dela detektatzen laguntzeko.

WAT direkzio-sistemen birfabrikazioan espezializatuta dago, eta RESDE proiektuaren buru izan da. Proiektua gauzatzeko, ELECTROCHIPS enpresaren laguntza izan du, zeina automobilen osagai elektronikoen konponketan eta funtzionamenduan aditua baita.

WAT
HELBURUAK
  • Direkzio-unitate elektroniko akastunak berriz fabrikatzea eta berriro ere salmenta-ondoan sartzea, bermerako ordezko alternatiba gisa.
  • Lehiakortasuna handitzea, nazioarteko merkatuan know-howa eta merkataritza-gaitasun objektiboa eskuratuz.
  • Direkzio-sistemen elementu kutsatzaileak murriztea.
  • Berriz aprobetxa daitezkeen elementuen bizitza erabilgarria beste 10 urtera arte luzatzea.
  • Azken produktuaren prezioa jaistea bezeroarentzat.
EMAITZAK
  • Katalogoa zabaltzea, batez beste hileko lau erreferentzia berrirekin, eta WATen eskaintza handitzea merkatuan.
  • Urtean 89 tona CO2 baliokide eta 31 tona material aurreztea.
  • Konpainiaren fakturazio orokorra % 6 baino gehiago handitzea.
  • Bilbeak aztertzea, erreferentzia bakoitza behar bezala diagnostikatzeko egiaztapen- eta kontrol-parametro egokiak definitze aldera.
  • Proba-bankuen eta garatutako erreferentzien arteko komunikazioa garatzea.
  • Egiaztapen-sistema berriak, saiakuntza-bankuetara egokitu daitezkeenak, kalitate handiagoko produktu bukatua lortzeko.
  • Ponpen, zutabeen eta kremaileren direkzio-sistemen erroreak, horiek eragiten dituzten arrazoiak eta egon daitezkeen konponbideak ikertzea eta antzematea.
  • Tresna berri fidagarriagoak eta birfabrikazio-denbora murrizten duten kokapenak egitea katalogoaren zati handi batean.
ONDORIOAK
  • RESDEn lortutako ikaskuntza beste produktu-familia batzuetara estrapolatu daiteke; adibidez, kremaileretara edo ponpetara.
  • WATen webgune berriak garatutako erreferentzia berriak jasoko ditu, eta bere tresnak dagoeneko elikatze-sistema bat du TecDoc katalogorako (mundu mailako bilaketa-tresna), eransketa horiek guztiak jasoko dituena.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK