CLADCUT
BIRZIKLATZEKO HORTZ BIRRINTZAILEAK BERRESKURATZEA
Pneumatikoen hortz birrintzaileek etengabeko nekea jasaten dute eguneroko prozesuetan, eta horrek neurri handi batean murriztu egiten du haien eraginkortasuna eta balio-bizitza. Horrek dakartzan muga tekniko eta ekonomikoez gain, desorekak agertzeak errotorearen hausturak eragin ditzake. Gaur egungo prozesuetan, hortzak ez dira berreskuratzen. Higatuta daudenean, zuzenean bota eta hortz berriak eskuratzen dira. Lan egiteko modu hori dela-eta, baliabideak efizientziarik gabe erabiltzen dira, ekoizpenaren eta ingurumenaren ikuspegitik.
Laser cladding teknikari esker, higadurari eta gogortasun handiari aurre egiten dioten materialen ekarpenak egin daitezke geometria konplexuetan, prozesuaren kontrol handiarekin. Teknika ez dago industrian ezarrita, baina haren abantailek hobekuntza nabarmena ekarriko lukete kaltetutako edo prebentziozko mantentze-lanak behar dituzten piezak birkargatzeko prozesuan.
DELASER enpresa izan da CLADCUT proiektuaren buru, eta ZORROTZ enpresarekin aritu da elkarlanean azken frogatzaileak baldintza errealetan baliozkotzeko.
MOTIBAZIO-FAKTOREA
HELBURUAK
- Laser cladding teknologia aplikatzea birziklatzeko hortz birrintzaileak berreskuratzean.
- Pneumatikoak birrintzearen problematikari berariaz heltzea, horiek birrintzeak dakarren erronka handia dela-eta. Hala ere, garatuko den irtenbidea hainbat material (plastikoak, metalezko ontziak, etab.) birrintzeko erabili ahal izango da; horixe da proiektu honen epe luzerako helburuetako bat.
EMAITZAK
- Laser cladding bidez kargatutako ahoak dituzten hortzak fabrikatzea, prestazio handiko materialak aplikatuz, hala nola Vanadis 4 eta X-90420-3 banadio-karburoa. Birkargek ez dute pororik eta pitzadurarik. Hortz hori fabrikatzeko prozesuak ingurumen-inpaktu txikiagoa du eta erabilera jasangarriagoa, ekarpenen kalitatea handiagoa delako.
- Fabrikatutako hortz berriak berreskuratzeko prozedura erraz bat garatzea: hortzaren ekarpen-eremua mekanizatzea, laser cladding bidez ekarpena egitea eta ahoa zuzentzea.
- Ondorengo mekanizazioan eta zorrozketan txirbil-forman baztertutako materiala murriztea, hortzaren alde bakoitzean 0,3 mm-ko soberakinekin lan egitean, eta milimetrotik gorako lodierekin, energiaren fokalizaziorik gabeko ekarpenaren lodiera handiagoko teknika konbentzionaletan, laserrak erakusten duen bezala.
- Energia, prozesuak eta abiapuntuko materiala murriztea teknika konbentzionalen aldean. Ekarpenen kalitate handiagoa dela medio, egungo hortzen balio-bizitza baino % 20 handiagoa izatea uste da, baina baliozkotze hori hortzak benetan erabiltzeko ZORROTZen saiakuntzekin osatu behar da.
- Ezin izan da laser claddingik aplikatu 1.2379 altzairuzko hortzen gainean; lehendik dauden hortzetan gehien erabiltzen den materialetako bat da. Hori dela-eta, dagoeneko merkatuan zeuden hortzak konpontzeko aukera bertan behera utzi zen.
ONDORIOAK
- Laser claddingeko zelula batean inbertitzea teknika konbentzionaletan inbertitzea baino nabarmen garestiagoa da, eta, hortaz, ekarpenaren prezioak ere hala izaten dira. Baina, kasu honetan, birkargatu beharreko geometriaren konplexutasunagatik (aho bat), hori ez da horrela, eta hortz berrien ekarpenetan pororik eta pitzadurarik ez egoteak materialen eta lekualdatzeen kostuak murrizten ditu.
- Pneumatiko erabiliak birziklatzeko hortz birrintzaileak berreskuratu eta fabrikatzeko laser cladding teknologia aplikatzetik ateratako ondorioak hainbat hondakin-material birrintzeko aplika daitezke (plastikoak, metalezko ontziak, etab.), baita proiektuan detektatutako beste erabilera batzuetarako ere, hala nola altzairuzko bobinak moztea.
- CLADCUT proiektuari esker, ebaketa-aplikazioetarako material, konposizio eta egitura egokiei buruzko barne-ezagutza nabarmen handitu da, baita DELASERen prozesuen eta prozeduren ingurumen-hobekuntzari buruzkoa ere; adibidez, kontsumitutako materialen efizientziaren optimizazioa (gasa eta hautsa),
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
