Metalgintza

Ihobe Eusko Jaurlaritza

ALE

BIGARREN MAILAKO ALUMINIOZKO ALEAZIO-FLUXUAK BEREIZTEA

Bigarren mailako aluminioan (Al) downgrading izeneko efektu bat sortzen da, eta, horren ondorioz, ezin da lehengai gisa erabili eskakizun tekniko handiak dituzten erreferentzietarako. Lehen mailako aluminioa bakarrik erabil daiteke horietarako. Europan, aluminio wrought (forjatua) birziklatuaren aleazioak ekoizteko lerro gutxi daude. Lerro horietan xaflak ebakitzeko material asko eta konposizio oso kontrolatuko beste iturri batzuk daude, baina gaur egun ez dago wrought aleazioak lortzeko gai den Europako enpresarik jatorri desberdinetako hondakinen nahasketatik sortutako aluminiozko txatarra erabiltzen denean.

REYDESA enpresa OTUA taldekoa da, eta teknika sentsorizaturik onenak ditu erabileraz kanpoko ibilgailuetatik (EKI) konposizio homogeneoko bigarren mailako aluminioren kantitate ahalik eta handiena ateratzeko. ALE proiektuaren buru da, eta INATECen, taldeko I+G unitatearen, eta GAIKER zentro teknologikoaren laguntza izan du.

REYDESA
HELBURUAK
  • LIBS teknologiarekin industriaurreko proba bat egitea aluminio-aleazioak bereizteko prozesua osatzeko, eta egun REYDESAren instalazioetan X izpien bidez egiten den bi kalitateko (wrought eta cast) bereizte-teknika hobetzea.
  • Konposizio bateragarria duten aluminio-aleazioak bereizteko gai diren teknologia berritzaileak ikertzea, garatzea eta optimizatzea, FRX (X izpien fluoreszentzia-espektrometria) eta LIBS (laser bidez induzitutako plasma-espektroskopia) sistema sentsorizatu baten bidez, edo FRX sistema sentsorizatuaren, prozesu hidrometalurgikoaren, koloreen araberako bereizketaren eta LIBS sistemaren konbinazio baten bidez. 
  • Sailkapen automatikoko eta jarraituko teknologiak aplikatzearen bideragarritasun tekniko-ekonomikoa ebaluatzea, aluminioaren transformazio-industrian aluminio primarioarekin lehiatzeko gai den konposizio bateragarriko aluminiozko txatarraren azpiproduktu bat definitzeko.
  • Proiektuan garatutako teknologien eta prozesuen jasangarritasuna eta zirkulartasuna ebaluatzea, bizi-zikloaren azterketaren (BZA) bidez.
EMAITZAK
  • Aleazioak aleatzaile astunen arabera bereizteko (kobrea eta zinka), egoera tekniko eta ekonomiko bideragarriena FRX bereizpen-metodoak aplikatzea da; ostera, aleazioak aleatzaile arinen arabera bereizteko (magnesioa eta silizioa), LIBS.
  • Aluminio-aleazioen familien araberako % 59ko banaketa lortu da (6xxx, 5xxx eta Al-Si).
  • Errefusa aberatsa lortu da aluminiozko aleazioen familian (1xxx).
  • Azken belaunaldiko bereizte-sistema (FRX + LIBS) garbia eta gutxieneko hondakinak sortzen dituena.
  • Ekoitzitako aluminio tona bakoitzeko 4,7 tona CO2 baliokide aurreztea, baita 9.015 m3 ur baliokide aurreztea, aluminio primarioaren ekoizpenari dagokionez.
ONDORIOAK
  • FRX eta LIBSen kontsumo osteko aluminio-fluxu batekiko bereizketa sentsorikoak (EKI eta gailu elektriko eta elektronikoen hondakinak —GEEH—) konposizio bateragarriko aleazioak bereiztea ahalbidetzen du, eta aztertutako aleazioetan (Al-Mg-Si, Al-Mg eta Al-Si) bereizte-ratio eta purutasun altuak lortzen dira. Aldi berean, produktuen kalitatea handitzen dute eta hondakinen sorrera murriztu.
  • LIBS bereizketan beharrezkoa da laser bidezko ablazioaren eta/edo espektroen prozesatzearen teknika zenbakizko metodoen bidez aplikatzea, aluminio zatien azaleko interferentziak (zikinkeria, estaldura...) ezabatzeko.
  • Piezak LIBSen aztertzeari dagokionez, piezen morfologia problematikoa da piezak lauak ez direnean.
  • Industria-mailan, FRX + LIBS ekipamendu konbinatuaren aztertzeko ekoizpen-ahalmena baloratu behar da.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK