R2P2
AURREIKUSPEN- ETA PREBENTZIO-SISTEMEN BIDEZKO KONPONGARRITASUNA ETA MURRIZKETA
ZAYER enpresak 4.0 irtenbidea du gaur egun, IIOT (Industrial Internet of Things) inguruneetarako cloud eta big data teknologian oinarrituta, iraganean egindako ikerketa- eta garapen-proiektu desberdinen ondorioz. Irtenbide horrek, HORUS NX izen komertzialarekin, aukera ematen du makinen egoera operatiboa kontrolatzeko, makinen ekoizpena monitorizatzeko eta mekanizazioaren prozesuaren eta kalitatearen auzitegiko azterketa egiteko. Hala ere, plataforma hori, funtsean, enpresa bezeroaren jarrera proaktiboaren mende dago; izan ere, azterketa ondorioak eta hobetzeko aukerak ateratzeko egin behar du, bere mekanizazio-prozesu partikularretan oinarrituta, eta horrek tresnaren eraginkortasuna eta efizientzia hobetzea ahalbidetzen du. Horregatik, negozio-eredua hobetzeko aukera bat identifikatu da, ekipamenduen egungo mantentze-sistemarekin lotutako ingurumen-kostuak eta -inpaktuak murriztea lortuko duena, ikuspegi berri eta sakon baten bidez eta irtenbide digital egokiak ezarriz.
ZAYERek fresaketa-makinak eta teknologia aurreratuko mekanizazio-zentroak garatzen ditu. R2P2 proiektua gauzatzeko, industria-digitalizazioan aditua den VIXION enpresaren laguntza izan du, baita bizi-zikloaren azterketan (BZA) aditua den GRUNVER SOSTENIBILIDAD enpresarena ere.
MOTIBAZIO-FAKTOREA
HELBURUAK
- ZAYEReko ekipamenduen urruneko diagnostikorako sistema berria, automatikoa eta deszentralizatua garatzea, eta mantentze prediktiboko 4.0 irtenbide bat ezartzea.
- Enpresa bezeroen ekipamenduek izan ditzaketen matxurak goiz identifikatzea, eta, hala, konponketen eta ordezkapenen kopurua murriztea, eta, horrekin batera, kostuak eta ingurumen-inpaktuak murriztea.
EMAITZAK
- ZAYEReko LTZko taldeak mantentze-lanetarako egindako jardueren % 15 eta % 20 arteko murrizketa: sail teknikoa helmugako herrialdera joatea, laguntza emateko, eta ordezko piezak ekoiztea eta bidaltzea.
- Makinen balio-bizitza 2 urtean luzatzea, mantentze-lanen lehenengo azterketa orokorra egin arte (10 urtetik 12 urtera).
- 6 urtera, urtean 15 tona CO2 baliokide aurreztea aurreikusten da.
- 6 urtera, % 5eko igoera aurreikusten da merkatu-kuotan eta % 4 fakturazio globalean, R2P2 proiektuaren emaitzen mende.
ONDORIOAK
- R2P2 proiektuak erakutsi du teknologia digitalen erabilera proaktiboak ingurumen-hobekuntzak ahalbidetzen dizkiola produktuaren profilari eta lehiakortasuna ematen diola enpresari.
- Matxura-kopurua murrizteak, produktibitatea handitzeaz eta mantentze-kostuak murrizteaz gain, balioa ematen dio enpresa bezeroari, eta, gainera, langileek joan-etorri asko egitea eta materialak bidaltzea saihesten du. Bestalde, LTZ eredu tradizionala eredu hibrido berri bihurtzeko aukera ematen du, non makinen monitorizazio aktiboak enpresa bezeroak modu ukigarrian hautematen duen balioa ematen duen.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
