BIOKORDA
ATUNAREN SEKTORERAKO SOKA BIODEGRADAGARRIEN GARAPENA
BIRZIKLATZEARI ESKER HONDAKIN GUTXIAGO BOTATZEN DIRA, baina zenbait arrantza-jardueratan birziklatzeko estrategiak aplikatzea konplexua da. Atun itsasontzi-izozgailuan erabiltzen duten arrantza-metodoa itxitura da (harrapaketen % 64 bertatik ateratzen dute): atun-sardaren inguruan bertikalki uretara botatzen den plastikozko sare bat da. Atun itsasontzi-izozgailuek libre dauden sardetan edo arrainak kontzentratzeko gailuen edo objektu flotatzaileen bidez lagunduta arrantzatu dezakete, gailu horiek atunak erakartzen baitituzte. Kasuen % 95ean, FADak erabiltzeak emaitza positiboak dakartza, eta, horregatik, urtero milaka FAD askatzen dira ozeanoetan, eta horiek itsas hondakinak areagotzen dituzte, eta hori gaur egungo ingurumen-arazo larrienetako bat da.
MOTIBAZIO-FAKTOREA
HELBURUAK
- Arrantza-prozesua amaitutakoan itsasoaren hondoan geratzen diren sokek sortzen duten ingurumen- inpaktua murriztea.
- Sokak fabrikatzeko material biodegradagarriak erabiltzea, sokaren propietate teknikoak mantenduz, eta horrela, arrantza sektorearen eskaerari erantzutea.
EMAITZAK
- Bizitza Zikloaren Analisiaren (BZA) bidez FADetan erabiltzen diren plastikozko soka konbentzionalek eragiten dituzten ingurumen-inpaktu nagusiak ezagutu dira: itsasoan soka uztea eta hura egiteko material plastikoen kontsumoa.
- Produktu berri bat lortu da: TUNAKO BIO soka. Lehengai gisa kotoiaren eta tencelaren (jatorri naturalekoak zein biodegradagarriak) nahasketaz egina, eta egiteko txirikorda kizkurtua erabili da.
- Produktu berri bat lortu da: NATUKOR soka. Antzeko gauzekin egina dago, baina txirikordan ez du kizkurrik.
- NATUKOR eta TUNAKO BIOn erabilitako hariak tokiko ehungintza sektoreko enpresa hornitzaile baten hondakinetatik datoz. Ez da koloratzailerik, estaldurarik edo bestelako gehigarri kimikorik erabiltzen, eta plastikorik gabeko materialez eginda daudenez, produkzio-prozesuaren estrusioaren fasea ezabatu da.
- Ingurumen-inpaktua % 74 eta % 93 artean murriztu da ohiko sokekin alderatuta, kontuan hartutako ingurumen-inpaktuaren kategoriaren arabera.
- Enpresaren fakturazio globalari % 5eko ekarpena egin zaio.
ONDORIOAK
- Soka berriak merkaturatzeko prest daudenez, ITSASKORDA enpresari onura ekonomiko handiak ekartzen dizkion negozio-lerro berri bat ireki da. Gainera, arrantza-sektorearen produktu jasangarrienen eskaerari erantzuten dio.
- BIOKORDA beharrezkoa izan da bizitza- ziklo osoaren ikuspegia kontuan hartzen duen ITSASKORDAren produktuen ingurumen- portaerari buruzko ikaskuntza tekniko garrantzitsu bat lortzeko, eta etorkizunean produktu berriekin eta beste sektore batzuekin errepikatzeko modukoa izango da.
INGURUMENEKOA
TEKNIKOA
EKONOMIKOA
KOMERTZIALA
MERKATUAN