ECOSIL
SILIKONA BULKANIZATUA BERRERABILTZEA
SILIKONA MATERIAL TERMOEGONKORRA DA ETA, BEHIN BULKANIZATUTA, ezin du bere aurreko egoerara itzuli, dituen lotura kimikoen indarragatik. Bestalde, silikona ekoizteko erabiltzen den lehengaia silizio-metala da, eta Europako Batzordeak Europar Batasunerako lehengai kritikoen zerrendan sartu du, eskasia izateko arriskua dela eta. Horrela, Euskadiko Ekonomia Zirkularrerako Estrategia 2030arekin bat dator ECOSILek egindako proposamena silikonazko hondakinak bigarren mailako lehengai gisa berrerabiltzeko.
SILAM Iberiar penintsulan silikonazko materialetan aitzindari den enpresa da, baita Europan erreferentzia ere. Nahasteak eta estrusio artikuluak diseinatzen, fabrikatzen eta saltzen ditu hainbat sektoretarako: automobilgintza, elikadura, argiztapena... Ekonomia zirkularraren kontzeptuak aplikatzea eskatzen dute sektore horiek.
MOTIBAZIO-FAKTOREA
HELBURUAK
- Aztertzea zer nolako bideragarritasun tekniko eta ekonomikoa duen silikonazko hondakinak lehengai berri gisa berrerabiltzeak.
- SILAMen ekoizpen-prozesuan sortutako silikona bulkanizatua berrerabiltzea, eta baita beste enpresa- bezeroek sortutakoa ere.
- Birrintze-prozesu bat ezartzea produktu berrien fabrikazio-prozesuan sar daitekeen silikona-hautsa lortzeko.
- SILAMen hondakinen kudeaketa-kostua murriztea.
EMAITZAK
- Azterketa osoa egin zaio parte hartzen duten prozesuen artearen egoerari.
- Hondakin-lehengaiak hautatu eta birzikla daitekeen materiala lortu da, laborategiko probak eta saiakuntzak eginez, bezeroen araudien arabera.
- Seriean fabrikatu da eta materiala bidali zaie hainbat sektoretako enpresa bezeroei industria homologatzeko.
ONDORIOAK
- ECOSIL da SILAMen burutu den eskala handiko ekonomia zirkularreko lehen proiektua, eta aukera eman du kontzeptua erakundean integratzeko eta enpresa bezeroei (multinazionalei) helarazteko jasangarritasunaren aldeko apustua egin dela eta bizi-zikloaren analisia aplikatu dela.
- Hala ere, ECOSILen emaitza ez da ekonomikoki bideragarria, materiala birrintzeko prozesua zaila delako.
INGURUMENEKOA
TEKNIKOA
EKONOMIKOA
KOMERTZIALA
MERKATUAN