Eraikuntza eta obrak

Ihobe Eusko Jaurlaritza

ROBERT

ROBOTIZAZIOA, TUNELEN SOSTENGUEN ERAIKUNTZAN BALIABIDEEN KONTSUMOA MURRIZTEKO

Azpiegiturei dagokienez, tunelek berebiziko garrantzia dute eskualdeen aurrerapen ekonomikoan. Pertsonen eta/edo materialen garraioaren ikuspegitik, tunelen alderdirik garrantzitsuena industria-, merkataritza- edo turismo-guneen arteko loturak hobetzeko gaitasuna da; puntu horien arteko distantzia murrizten dute, eta horri esker, denbora eta, batez ere, kostuak aurrezten dira. Produktibitatea handitzeaz gain, eraikuntzaren industriak erabiltzaileen eskaera gero eta handiagoei erantzun behar die, zeinek konplexutasun handiagoa, jarduketa hobea, kostu txikiagoa eta epe laburragoak eskatzen baitituzte. Halaber, azken urteotan, klima-aldaketarekiko kezka handia sortzen ari da, Europako Itun Berdea eta antzeko estrategiekin. Horren helburuen artean dago baliabideen zirkulartasuna handitzea, materialen produktibitatea hobetzea, produktuen ingurumen-aztarna murriztea eta bizi-ziklo osoa kontuan hartzen duten ekodiseinuak aplikatzea, eraikuntzaren sektorea lehenetsiz.

LURPELAN, lurpeko azpiegiturak egiten espezializatutako enpresa, ROBERT proiektuaren buru izan da, eta hori gauzatzeko KOMAT ingeniaritza elektrikoaren eta TECNALIA zentro teknologikoaren laguntza izan du.

LURPELAN
HELBURUAK
  • Tunelen sostenguak eraikitzeko prozesuen produktibitatea eta efizientzia handitzea, egiturazko osagai horiek 3Dn in situ inprimatzeko irtenbide robotizatu bat laborategiko eskala pilotuan ikertu, garatu eta baliozkotuz.
  • Topologia optimizatzeko teknikak eta bizi-zikloaren azterketa (BZA) konbinatzen dituzten tunelen sostenguak ekodiseinatzea, eta osagaien % 60 desmaterializatzea gutxienez.
  • Zementuzko materialen formulazio berriak garatzea, paramentu bertikaletan edo teilatupean zuzenean inprimatzeko, efizientzia material eta zirkulartasun handieneko printzipioei jarraituz indusketa-soberakinak eta mineral-ekarpen erabilgarriak erabiltzean. Horrela, lehengai naturalen % 20 bigarren mailako soberakin edo baliabide mineralekin ordezkatzea.
  • Aplikazio horretarako berariazko beso robotikoetan oinarritutako inprimaketa-sistemak garatzea, zeinak gai baitira egiturazko diseinuari optimizazio topologikoak eskaintzen dizkion abantailei ahalik eta etekinik handiena ateratzeko eta materialaren galera murrizteko.
EMAITZAK
  • Tuneletan zuzenean 3D inprimatzeko zementu-oinarriko materialen formulazio berriak. Laborategi eskalan baliozkotuak izango dira; egitura-prestazio hobeak izango dituzte, eta errendimendu handiagoa, egungo hormigoi proiektatuarekin alderatuta, baita ingurumen-kostu eta -inpaktu txikiagoak ere, ohiko inprimaketa-materialekin alderatuta, material birziklatuak gehitzearen ondorioz (eraikuntza- eta eraispen-hondakinetatik (EEH) eta/edo indusketatik bertatik eratorritako material pikortsu birziklatua).
  • Sistema berria, laborategi eskalan baliozkotua eta tunelen sostenguak 3Dn in situ inprimatzeko berariazko beso robotiko batean oinarritua. Sistema hori gai izango da, modu ekonomikoki bideragarrian, diseinu optimizatuen geometria konplexuak praktikan jartzeko, gainazaleko akabera hobea eta lodieren kontrol handiagoa izango duten tunelen sostenguak sortzeko, gunitatze bidez egindako sostengu tradizionalekin alderatuta, eta errebote-efektuaren ondoriozko materialaren galera % 35etik (hormigoi-proiekzioan oinarritutako egungo sistemak) % 5era murrizteko.
  • Inprimatutako irtenbideak inpaktu txikiagoa du karbono-aztarnan, metodo tradizionalen aldean, induskatu behar den lurra oso kalitate gutxikoa denean soilik, eta, beraz, eusteko beharrak handiagoak direnean.
ONDORIOAK
  • Planteatutako irtenbideak (tunelen sostenguak egiteko 3D inprimaketa-zerbitzua) lurpeko obra zibilaren azpisektorearen premiei erantzuten die, eta negozio-aukera sortzen du. Horrela, LURPELAN lehia-abantailako posizioan jarri ahalko da lehiakideen aldean. 
  • Tunelen sostenguak 3Dn in situ inprimatzeko sistemari dagokionez, ROBERTen emaitzetatik abiatuta, KOMATek produktu berezien lerro berri bat garatuko du merkatu-nitxo berri baterako (eraikuntza-sektorea). Horrek negozio-bolumena handitzen lagunduko dio ingurune oso lehiakor batean, eta, horrez gain, alokairuarekin lotutako negozio-lerroak eta mantentze-lanetarako, erabiltzaileentzako prestakuntzarako eta prest jartzeko zerbitzu bat garatuko ditu.
  • ROBERTetik eratorritako garapenek finantzaketa osagarriaren bila jarraituko dute, merkatutik hurbilago dauden garapen-mailak lortzeko I+G proiektu oinarrizkoagoen bidez landu daitezkeen ikerketa-ildoak hauteman dira, zementu-oinarriko materialen bidezko 3D inprimaketa tunelen sostenguak egiteko eraikuntza-sistema gisa erabiltzearen bideragarritasunerantz aurrera jarraitzeko.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK