Bestelako garraiobideak

ADDIECO

OSAGAI AEROAUTIKOEN FABRIKAZIOA FABRIKAZIO GEHIGARRIKO ETA KENTZAILEKO TEKNOLOGIAREN BIDEZ

FABRIKAZIO METAL-MEKANIKOA EUSKAL HERRIKO SEKTORERIK TRADIZIONAL ETA FINKATUENETAKOA DA. Pixkanaka-pixkanaka fabrikazio gehigarriko teknologiak bereganatzen ari da, zeinak egiturazko osagaiak fabrikatzera bideratuta dauden, forja eta totxoaren mekanizazioa ordezkatzeko, adibidez, sektore aeroespazialean. LMD (Laser Metal Deposition) teknologia fabrikazio zuzeneko teknika da. Teknika honetan hauts edo hari metalikoa injektatzen da oinarrizko materialaren gainean eta bertan urtzen da potentzia handiko laser-izpi baten eraginez. Prozesu azkarragoa da, materialaren jalkitze-tasa handiagoa da eta hasierako instalaziokostua txikiagoa, fabrikazio gehigarriko beste teknologien aldean. Hala ere, prozesu traketsagoa da, zehaztasun gutxiago du, nahiz eta erreproduzigarritasun ona izan, eta normalean akabera-eragiketa bat eskatzen du.

TEKNIKER teknologia-zentroak ADDIECO zuzentzen du, eta aurrera eramateko DELASER enpresaren laguntza izan du, zeina laserteknologian aditua den.

TEKNIKER
HELBURUAK
  • Teknologia hibrido bat garatzea, LMD (Laser Metal Deposition) bidezko fabrikazio gehigarrian oinarrituta, sektore aeronautikorako.
  • Fabrikazio-metodologia garbi eta jasangarri bat ezartzea eta gutxieneko hondakin-kopurua sortzea, prozesu kentzaileetan oinarritutako ohiko teknologien aldean (material-harroketa edo mekanizazio bidezkoak).
  • Energiaren, materialen eta suntsikorren (tresnak eta fluidoak) erabilera murriztea.
EMAITZAK
  • LMD bidezko fabrikazio gehigarriko prozesu berriak % 98,5 murrizten du txirbila, % 68,8 ebaketa-likidoa, eta % 90,1 lehengaiak.
  • Prozesuko energia % 12,25 murriztu da, eta kontsumo globala ohiko fabrikazioan 19,25 kWh-tik teknologia hibridoan 16,89 kWh-ra murriztu da.
  • Emaitza bikaina da azken piezaren akaberari dagokionez.
  • Inpaktu berriak sortu dira argonaren kontsumoarekin eta energia elektrikoaren kontsumo handiagoarekin (nahiz eta energia-kontsumo orokorra murriztu egin den). Hala ere, ohiko prozesuaren eta hibridoaren bizi-zikloen azterketa (BZA) konparatiboak erakusten du inpaktu horiek konpentsatu egiten direla inpaktu globalean. Izan ere, izugarri murrizten da lehengaien eta ebaketa-likidoaren beharra.
ONDORIOAK
  • ADDIECOk bi lan-gelaxka prestatu behar izan ditu, bata hauts-hornikuntzarako eta bestea harihornikuntzarako. Bertan, titaniozko eta altzairuzko piezak landu dira, eta geometria konplexuen garapenari garrantzia eman zaio. Fabrikazio hibridoaren prozesua osatu zen mekanizaziorako ebaketa-likido bidezko fresaketa erabiliz, fabrikazio gehigarriaren ondoren, eta zailtasun handirik gabe, LMD prozesuaren zehaztasunari esker.
  • LMD sektore aeronautikorako teknologia garbi gisa baliozkotu da, hautsean zein harian oinarritutako LMD prozesua optimizatu ondoren, eta piezak fabrikatzeko prozesu uniformea mantentzea ahalbidetzen duen kontrol geometriko bat garatu ondoren.
  • ADDIECOk ahalbidetu du, batetik, fabrikazio gehigarriko makina baten prototipoa eskuratzea, zeinak laser-teknologia erabiltzen duen hari metalikoa jalkitzeko. Bestetik, fabrikazio gehigarrirako ibilbideak sortzeko TekAM softwarea erregistratzea.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK