Kontsumo-ondasunak

FLOTO

NEKAZARITZA-PLASTIKOEN ETA BILTZEKO FILM INDUSTRIALEN BALORIZAZIOA

ORO HAR, POLIETILENO-FRAKZIO (PE) GARBI SAMARRAK DIRA LEHEN SEKTOREAN eta ETE sektore industrialean sortutako hondakin plastikoen korronteak, eta erraz birzikla daitezke. Hala ere, ez dira behar bezala kudeatzen hainbat arrazoi direla eta: sorkuntzaren dispertsioa, iturri bakoitzaren kantitate urria eta EAEn plastikoa birziklatzen duten enpresen interes falta. Kasu horietan erakunde partikular bakoitzak sortutako hondakin-plastiko kantitate urriek sustatzen dute jatorrian bereizketarik ez egitea, kontrolik gabeko ezabapena edo tratamendua, eta zabortegian ezabatzea. Kalkuluen arabera, EAEn zabortegian edo balorizazio energetikoan amaitzen dute biltzeko erabilitako 20.000 tona PE baino gehiagok urteko. Hala, material interesgarria da ZORROZA enpresarentzat (FLOTOko zuzendaria eta hondakin-plastikoen frakzioen tratamenduan aditua) eta LEUNAM enpresarentzat (industria-sektorerako PEko fi lmen fabrikatzailea). FLOTOn GAIKER teknologia-zentroak eta ZICLA aholkularitza-enpresak ere parte hartu dute.

ZORROZA GESTIÓN DE RESIDUOS
HELBURUAK
  • Nekazaritza- eta industria-sektoreetan erabiltzen diren plastikozko filmen hondakinak birziklatzearen bideragarritasun teknikoa, ekonomikoa eta ingurumenekoa kuantifikatzea.
  • Frakzio horiek birziklatzeko industria-prozesua ezartzea, hurbiltasun-printzipioan oinarrituta.
  • Nekazaritzako eta abeltzaintzako ustiategi txikietan sortutako hondakin-plastikoak biltzea, hala nola siloko, berotegiko edo “tuneltxoko” plastikoak.
  • Ekoizpen ETEtan sortzen diren biltzeko film industrialen hondakinak biltzea.
  • Sektoreei aukera ematea sortutako polietilenokorronteak balorizatzeko, irtenbide zirkular baten bidez: sektorean bertan kontsumitzeko aukera.
EMAITZAK
  • Plastikoak garbitzeko prozesu baten bideragarritasun industriala instalatu da (ZORROZAn) eta baliozkotu da, eta erabatekoa da aipatutako plastikokorronteak garbitzeko duen eraginkortasuna.
  • Aglomeratuen industria-ekipamendu automatizatu baten bideragarritasun industriala instalatu da (LEUNAMen) eta baliozkotu da korronte horietarako.
  • Birziklatutako galautsen eta hainbat koloretako film industrialen poltsen fabrikazio industriala burutu da.
  • Frakzioen nahastea optimizatu da, hezetasunean eta jariakortasun-indizean heterogeneotasuna saihesteko.
  • Urteko 450 tona plastiko eta 985 tona CO2 baliokide aurreztea ahalbidetzen du.
ONDORIOAK
  • Proposatutako birziklatze-prozesuak kalitate handiagoa izango du hasieran hobeto bereizten bada, biltegiratzearen eta logistikaren ondorioz eragindako nahasketak saihesteko.
  • Birziklatutako produktuak aurre egin behar dio zenbait industria-merkaturen eszeptizismoari, gardentasun txikiagoa eta itxura estetiko okerragoa duelako, arazo teknikorik ez duen arren.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK