VALOMPLUS
MANGANESOZKO LOHIEN BALORIZAZIOA BIGARREN MAILAKO ERABILERETARAKO
AUTLAN manganeso dioxido elektrolitikoa (MnO2 edo EMD) ekoizten duen Europako bigarren konpainia da. Konposatu hori beharrezkoa da pila komertzialak eta industrialak fabrikatzeko. Horretarako, oso instalazio efizienteak ditu, zeinen bidez purutasun handiko MnO2 lortu ahal baitira, eta askotariko konposizioko eta lohi-formatuko hondakinak sortzen dituzte. Hondakin horiek, normalean, zabortegietan pilatzen dira, eta urtean 12.500 tona baino gehiago izan daitezke.
Aurreko proiektuen emaitzek erakutsi zuten hondakina ezin zela erabili aldez aurretik tratatu gabe. VALOMPLUSek aurreko proiektuan sortutako hondakinei buruzko ezagutza hori erabili nahi du hondakinak zein azken aplikaziotara bideratu behar diren zehazteko, eta, horrela, ekonomia zirkularraren printzipioei jarraitzeko eta hondakinen balorizazioa hobetzeko.
AUTLAN enpresa izan da VALOMPLUSen buru, eta OVIEDOKO UNIBERTSITATEAren laguntza izan du hura egiteko.
MOTIBAZIO-FAKTOREA
HELBURUAK
- Manganeso dioxido elektrolitikoa ekoizteko prozesuan sortutako hondakin-lohiak errebalorizatzeko prozedurak garatzea; gaur egun munduan ez baitago manganeso dioxido elektrolitikoa errebalorizatzeko aukerarik.
- Zabortegian utzi behar diren hondakin-lohien kopurua murriztea.
- Hondakin hori eraldatzea edo egokitzea, AUTLANen edo beste enpresa batzuen produkzio-prozesuko lehengai bihur dadin.
EMAITZAK
- Lehengaiaren kontsumoan % 8 aurreztea, OVIEDOKO UNIBERTSITATEArekin lankidetzan garatutako EMDren ekoizpen-prozesuan hondakina berrerabiltzeko bide berri baten bidez, nahiz eta horrek hondakin berriak sortzea dakarren.
- Zikloien bidezko bereizketa granulometrikoa bereizketa-metodo egokientzat hartzea, ikertutako metodoen artean (bereizketa magnetikoa, iragazkiak, eta abar).
- Balorizatzeko zailtasunak eta ur eta energia kantitate handiak behar izatea hondakinean dagoen sufrea ezabatzeko.
ONDORIOAK
- Bi hondakin berri sortzea dakarren errebalorizazio-metodologia garatu da. Garatutako metodoa ezartzeko, beraz, bi hondakin berriak errebalorizatzeko bideak behar dira.
- Metodo honetarako, nabarmen handitu behar da azido sulfurikoaren kontsumoa (% 200 inguru).
- Ateratzen den elektrolitoa ezin da erabili AUTLAN EMDn edo beste enpresa batzuetan bere ezpurutasunengatik. Hura purifikatzeko modua aztertzen ari dira.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
