Ekipo elektrikoak eta elektronikoak

FABRIMANREC

LOTUTAKO NdFeB IMANEN FABRIKAZIOA SINTERIZATUTAKO IMANAK BIRZIKLATZETIK ABIATUTA

MERKATU-AZTERKETEK AURREIKUSTEN DUTE LOTUTAKO NDFEB IMANEN eskaria erritmo handian haziko dela datozen bost urteetan. Ia esklusiboki Txinan ekoizten dira iman horiek fabrikatzeko beharrezkoak diren lur arraroak. Izan ere, lur arraro astunen munduko ekoizpenaren % 99 kontrolatzen du herrialdeak, batez ere disprosioa (Dy) eta terbioa (Tb), eta lur arraro arinen % 87, batez ere neodimioa (Nd) eta praseodimioa (Pr). Horrez gain, Txinak murrizketak aplikatzen ditu bere esportazioan, interes politiko eta ekonomikoen arabera. Hori dela eta, EBk lur arraroak “lehengai kritikoak” izendatu ditu (CRM, ingelesezko siglarengatik).

EAEk sinterizatutako NdFeB imanen inportazio esanguratsuak egiten ditu, eta motor eta sorgailu elektrikoen fabrikazioan erabiltzen dira nagusiki. Ez dago frogarik erakusteko tresneria horiek beren bizitza baliagarria amaitzen dutenean imanak kendu eta birziklatu egiten direla. Birziklatzea lagungarria izango litzateke EAEk MRC horiekiko duen kanpo-mendekotasuna murrizteko. STADLER metalezko piezak diseinatzeaz eta fabrikatzeaz arduratzen da metal-hautsak prentsatzeko teknologia erabiliz, eta CEIT teknologia zentroaren laguntza izan du FABRIMANREC egiteko.

STADLER S.A
HELBURUAK
  • Euskadin sinterizatutako NdFeB imanak biltzeko aukerak aztertzea beren bizitza baliagarria amaitu ostean.
  • Birziklatzeko dauden sinterizatutako NdFeB imanak sailkatzea konposizio kimikoaren arabera. Horrekin batera, talde bakoitzeko eskuragarri dagoen urteko masa kalkulatzea eta jatorriko sektoreak identifikatzea (txatarra elektronikoa, motor elektrikoak, sorgailuak, etab.).
  • Bildutako imanak hautsera murrizteko metodologia bat garatzea (atomizazioa edo HDDR prozesua) eta lortutako hautsen propietateak aztertzea (konposizio kimikoa, mikroegitura, granulometria, morfologia, fluidotasuna, dentsitatea, etab.).
  • Metodologia bat garatzea berreskuratutako hautsetik lotutako imanak ekoizteko.
  • Fabrikatutako imanak karakterizatzea, beren ezaugarriak lehengaiaren jatorriaren arabera alderatuz.
EMAITZAK
  • Birziklatutako materialetatik hauts atomizatua eskuratu da, lotutako iman isotropoak lortzeko.
  • Hautsezko materiala lortu da birziklatutako imanak hidrogenatuz eta HDDR prozesua burutuz konposizio ezberdinetako iman mota ezberdinei.
  • Material hidrogenatuen propietate magnetikoak nabarmen hobetu dira hidrogenoa guztiz ezabatzean.
  • Material birziklatuarekin lotutako imanen prototipoak lortu dira, zeinak industria-arloan probatu diren, merkataritza-ekipamenduetan.
  • Ingurumen-inpaktua % 64tik gora murriztu da, 600 tona CO2 baino gehiago isurtzea aurreztu baita.
ONDORIOAK
  • Lortutako laginen propietate magnetikoen azterketak erakusten du baxuagoak direla oraindik birziklatutako materialen propietateak komertzialenak baino. Horrela, material komertzialetarako emaitza onak eman dituzte STADLERek fabrikatutako eta COPRECICen probatutako erakusleek.
  • Esanguratsua izan da, lankidetza publiko-pribatuari esker, tokiko zazpi eragilek osatutako kontrastetalde bat eratzea. Tartean zeuden osagaien eta motor elektrikoen fabrikatzaileak eta birziklatzaileak. Kontraste-talde horrek agerian utzi du sistema automatizatu bat behar dela imanak gainerako burdin-txatarratik bereizteko (karkasa, altzairu elektrikoa, etab.) eta, aldi berean, partzuergoak ahalbidetu ditu arloko proiektu berrietarako.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK