ARIS II
KUTSATUTAKO LURZORUEN ERREMEDIATZE ADIMENDUNA
EAEKO AZALERAREN % 1,3 POTENTZIALKI KUTSATUTA DAUDEN lurzoruek hartzen dute; dagoeneko ikertutakoetatik, 350 baino gehiagok kutsatutako urak dituzte, eta ezin dira indusketa bidez garbitu. Berrerabilerari dagokionez, potentzialki kutsatuta dauden lurzoruen % 20 baino ez da itzuli merkatura, hau da, gainerako % 80 zabortegietara bideratzen da. Baieztatu dute in situ erremediatzeak direla efizienteenak eta jasangarrienak. ARIS II-k EAEra teknologia berritzaileak erakartzea proposatzen du, zeinak ingurumen-sektoreko enpresen gaitasunak areagotuko dituzten eta beste lurralde batzuetara esporta daitekeen balioa emango duten.
TALANTIAk, ARIS II-ren sustatzaileak, teknologia berriak aplikatzen ditu ingurumenaren kalitatea babesteko eta hobetzeko, eta batez ere kutsatutako lurzoruen eta lurpeko uren kudeaketan jarduten du. Proiektu honetan TEKNIMAPekin lankidetzan aritu da.
MOTIBAZIO-FAKTOREA
HELBURUAK
- Bi deskontaminazio-proba pilotu diseinatzea eta gauzatzea in situ tratamendu-teknikak erabiliz (oxidazio kimikoa, ISCO, eta erredukzio kimikoa, ISCR) lurpeko uretan eta lurzoruetan, MIPHPT (Membrane Interface Probe Hydraulic Profiling Tool) kanpainaren emaitzetan oinarrituta, zeina eskuragarri dagoen ARIS I proiektuan.
- Erremediazio-lan horien eraginkortasuna kontrolatzea, berriro ere MIPHPT teknologia aplikatuz.
EMAITZAK
- Proiektu hau gaur egun egiten ari den landakanpaina batean oinarritzen da, beraz, oraindik ez dago metodoaren eraginkortasunari buruzko daturik.
- Erronka nagusia da aurreikusitako teknologia (direct push bidezko erreaktiboen injekzioa) kostu onargarrietan aplikatzeko bitartekoak dituzten azpikontratisten behin betiko hautaketa egitea.
- Injekzio-erreaktiboak/enpresa hornitzaileak hautatzea.
- Behin-behinean, esan daiteke probak espero baino pixka bat mantsoago egiten ari direla, lehen esperientzia baterako espero diren marjinen baitan.
ONDORIOAK
- Oraindik ezin da behin betiko ondoriorik atera probetatik, baina nazio mailan teknologia horiek txertatzeko interesa antzeman da jada. Izan ere, proiektuaren enpresa azpikontratista nagusietako batek ekipamenduetan inbertitzea bultzatu du proiektuak.
- Nazioarteko enpresekiko mendekotasun handia antzeman da patentepean dauden erreaktiboen hornikuntzarako, sektorean ohikoa den arren. Erreaktibo horien hautaketa proiektuaren gakoetako bat da.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
