REMEDISOST
KUTSATUTAKO LURZORUA ERREMEDIATZEKO PLANEN JASANGARRITASUNA
KUTSATUTA DAGOEN LURZORU BATEN LEHENGO EGOERA BERRESKURATZEKO TEKNOLOGIA EGOKIA AUKERATZEA FUNTSEZKOA DA. 4/2015 Legeak, lurzorua kutsatzea saihestu eta kutsatutakoa garbitzekoak, lurzorua babesteko eta haren erabilera bermatzeko hartu beharreko kalitatearen kontrol- eta ebaluaziobaldintzak eta hura berreskuratzeko neurriak ezartzen ditu. 1. artikuluak arrisku onartezina dakarten lurzoruetan kalitateari buruzko ikerketa zehatza egiteko beharra ezartzen du, eta kutsatutako lurzorua berrerabiltzeko interesgarriak diren alderdi teknikoak, ingurumenekoak, ekonomikoak edo bestelakoak bere baitan hartzen dituzten alternatiben azterketak egiteko betebeharra adierazten du. EAEn ez dago eskaera horri erantzuten dion mota honetako metodologiarik.
GAIKER Zentro Teknologikoa REMEDISOSTen buru da, eta bertan honako hauek hartu dute parte: NEIKER Zentro Teknologikoak, hondakinen kudeaketan liderra den enpresak; AFESAk, lurzoruaren tratamenduan eta eraispenean liderra den enpresak; eta BC3k (Basque Climate Change Center).
MOTIBAZIO-FAKTOREA
HELBURUAK
- Metodologia zorrotz eta fidagarri bat garatzea lurzoru kutsatuen erremediazio-planen iraunkortasuna ebaluatzeko, teknikoki hasierako kutsaduraegoeratik eman nahi zaion erabilerarekin bat datorren azken egoerara arte berreskuratzeko aukera eman dezan.
- Bizi-zikloaren etapen arteko inpaktuak kontrolatzea eta saihestea eta sortutako inpaktuak murriztea, erremediatze-prozesuaren bizitza osoan sortutako ingurumen-, gizarte- eta ekonomia-inpaktuak kontuan hartuta, bizi-ziklo osoa kontuan hartzen duen metodologia baten bidez.
- Beste ekosistema batzuetako lurzoruek eskaintzen dituzten zerbitzuen eta planteatutako erremediazio-planek zerbitzu horietan dituzten inpaktuen azterketa egitea, eta emaitza horiek inpaktuen ebaluazioan txertatzea.
- Jasangarritasun indizea kalkulatzeko algoritmo bat definitzea, metodologia aplikatzeko software tresna bat garatzea eta hiru kasu praktikoren gauzatzearen bidez balioztatzea.
EMAITZAK
- REMEDISOST metodologia definitu eta haren aplikazioa errazten duen tresna bat garatu da, zeinak, EAEn aitzindaria izanik, erremediazio plan ezberdinen iraunkortasuna alderatzea eta kasu bakoitzean egokiena aukeratzea ahalbidetzen duen, ingurumen, ekonomia eta gizarte inpaktuen multzo bat ebaluatuz.
- Ikuspegi metodologikoaren, metodologiaren baliagarritasunaren eta erabilgarritasunaren, eta honen aplikazio-eremuen interes-eragileekin kontrastea egon da.
- Kutsatutako lurzoruak berreskuratzeko jasangarritasunak duen garrantziaz sentsibilizatu da, metodologiaren alderdi praktiko eta teorikoak hedatuz.
ONDORIOAK
- REMEDISOSTek parte hartzen duten enpresentzat lan-ildo berriak ireki ditu, hala nola, metodologia baliozkotzearena analisi-eredua hobetzeko aukera ematen duten kasu praktikoagoetan.
- Berritzailea da, halaber, metodologiaren erabiltzaile izan daitezkeen erakundeei aplikazioa errazten dien tresna informatikoa garatzea, osagai anitzeko analisia eta informazio geografioko sistemak bezalako funtzionalitateak txertatuz.
- REMEDISOSTek lurzoru kutsatuen erremediatzea lurraldearen antolaketa planen diseinuan eta garapenean txertatzea ahalbidetzen du.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
