ALOCLIN

KLINKERRA EKOIZTEKO GATZZEPEN TRATAMENDUKO AZPIPRODUKTUAK

BIGARREN MAILAKO ALUMINIOA FINTZEKO, SODIO KLORUROAREN ETA POTASIO KLORUROAREN nahasteak erabili behar dira oxidazioari aurrea hartzeko, errendimendua handitzeko eta eraginkortasun termikoa areagotzeko, baina, hori egitearen ondorioz, aluminiozko gatz-zepak sortzen dira, zeinak hondakin arriskutsuak diren. Gatz-zepak berreskuratzearen helburua aluminio metalikoa eta gatza kutsatzaileetatik bereiztea da, osagai guztiak berrerabili ahal izateko. RESALek, Grupo Otuako enpresak, beharrezkoak diren ehoketa eta bereizketa-tratamenduak eta gatz-zeparen frakzio ezmetalikoaren (NMF) tratamendu hidrometalurgikoa egiten ditu, eta aluminioa birziklatzeko eta berrerabiltzeko zikloa guztiz ixteko gai da. ALOCLIN gauzatzeko SOCIEDAD FINANCIERA Y MINERAL zementu enpresaren eta Grupo Otua INATECeko I+G Unitatearen laguntza izan du.

Grupo Otuaren bigarren mailako aluminioaren findegirako hasierako hondakinak Erabiltzen Ez diren Ibilgailuetatik (EEI) datoz nagusiki. Aldi berean, gaur egun erabiltzen diren tratamendu-teknologiekin nekez lor daitezkeen berrerabiltze-, birziklatze- eta balorizazio-helburuak ditu.

MOTIBAZIO-FAKTOREA

Hondakin gutxiago isurtzea

HELBURUAK

Gatz-zepen tratamendu hidrometalurgikoaren NMF azpiproduktua egokitzea eskari handiko aplikazio batean erabiltzeko, hau da, klinkerraren ekoizpenean erabiltzeko, normalean erabiltzen diren oxido metalikoen ordez, zementuaren industrian erabiltzen den bauxitaren antzeko konposizioa eta gatz-zepen NMF oinarri hartuta.
EEIen tratamenduetan materiala berreskuratzeko portzentajea handitzea.

EMAITZAK

Zementua ekoizten duen enpresara doan materialak bete behar dituen zehaztapenak zehaztu dira.
Gatz-zeparen tratamendu hidrometalurgikoaren ondorioz sortzen diren NMFak karakterizatu dira (hezetasun askea, hidratazioa, kloruroak, aluminioa, espezie erreaktiboak eta konposizio kimikoa).
NMFak egokitzean arazo teknikoak sortu zituen, eta ondorioz ezin izan ziren eskatutako zehaztapenak lortu.

ONDORIOAK

ALOCLINek klinkerra ekoizteko aluminiozko gatz-zepen NMFen erabilera aztertu du eta karakterizazioen arabera, klinkerra ekoizteko ezaugarri egokiak dituen lehengaia lortzea posible da, gatz-zepen NMFekin.
RESALek gatz-zeparen kudeaketaren ondorioz lortutako NMFak balioztatzeko interesarekin jarraitzen du, zementua ekoizten duen industriak markatutako zehaztapenekin, eta prozesu-mailan lanean jarraitzen du etorkizunean ALOCLIN enpresan planteatutako beharrei erantzun ahal izateko modua aurkitzeko.

INGURUMENEKOA

TEKNIKOA

EKONOMIKOA

KOMERTZIALA