Makineria

SIDEPI

INDUSTRIA-PARTIKULEN HODEIEN DETEKZIO ETA EZABATZE ADIMENDUNA

URRIA, ESKASA ETA APLIKATZEKO ZAILA DA ISURPEN LAUSOAK ARAUTZEN DITUEN LEGEDIA. Hala ere, oso esanguratsuak dira industria-instalazioen inguruan, bai industriaguneetan, bai hiriguneetan, non inpaktu handiena eragin dezaketen. Isurpen horiek kontrolatzeko dagoen teknologia garestia da, eta ez da ez eraginkorra ezta adimenduna ere. Horrek eragotzi egiten du eskala handian ezartzea eta legedia garatzea. SIDEPIk isurpenak kontrolatzeko eta murrizteko irtenbide teknologiko integral eta adimendun berri bat eskainiko du kostu mugatuan. Hiru teknologiaren integrazio berritzailean oinarrituko da: jada badauden bi (monitorizazioa eta murrizketa), eta adimen-modulu berri bat.

TEKNIMAPek, ingurumena zaintzeko eta ikuskatzeko zerbitzuetan espezializatutako enpresak, SIDEPI zuzentzen du, eta gauzatzeko TALANTIAren laguntza izan du.

TEKNIMAP
HELBURUAK
  • Irtenbide teknologiko integral eta berritzailea gara tzea industria-jarduerak sortutako partikulen isurpen lausoen (eta kasu berezietan, konfinatuen) inpaktua ezabatzeko, zeina gai izango den fenomenoaren izaera aldakorrera egokitzeko eta eraginkortasun handiz erantzuteko.
  • Garapen eta frogapen pilotuak egitea EAEko hiru agertoki erreal adierazgarritan, irtenbidea kasu bakoitzerako egokituz eta automatizazioa optimizatuz.
EMAITZAK
  • Modulu adimendunaren lehen prototipoaren garapena amaitu da.
  • Modulu adimenduna gainerako teknologiekin integratu da.
  • Industria-agertokietako baten isurpen lausoak karakterizatu dira.
  • Irtenbide integrala instalatu da industriaagertokietako batean.
ONDORIOAK
  • Enpresa fabrikatzaileen lankidetza garrantzitsua da merkataritza-teknologietan (monitorizazioa eta murrizketa) doikuntza txikiak egiteko.
  • Modulu adimendunaren lehen prototipoa arazorik gabe integra daiteke 4.0 Industria sistemetan.
  • Modulu adimendunaren algoritmoaz gain, beharrezkoa da partikulak neurtzeko teknologia industria-agertoki bakoitzaren errealitatera egokitzea ere.
  • Berritzeko eta zirkulatzeko boterea dute irtenbidearen elementu lagungarriek (sostengu-egitura eta kontsumo-hornidura).
  • Enpresa bezeroen oinarri handia izan litekeela iragartzen dute industriaren beharrek. Izan ere, EAEn soilik enpresa askok aitortzen dute igorpen lausoak daudela beren Ingurumen Baimen Bateratuetan.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK