Bestelako garraiobideak

Ihobe Eusko Jaurlaritza

ECO-START

FABRIKAZIO GEHIGARRIA, PRODUKTU MEKANIZATUEN INGURUMEN-INPAKTUA MURRIZTEKO

Buy to Fly indizeak, azken geometria bat lortzeko pieza metalikoak mekanizatzean, txirbil itxurako hondakin bihurtzen den materialaren alferrik galtzea kuantifikatzen du. Aeronautikaren sektorean, egiturazko piezetan 12:1eko batez besteko balioa lortzen du, eta motorreko piezetan 20:1erainokoa, alegia, bloke edo aurreforma formako hasierako materialaren 20 kg behar dira amaierako piezaren kilogramo bakoitzeko. Prozesuan, gainera, energia eta mekanizazioko kontsumigarriak (ebaketa-fluidoak eta erremintak) kontsumitu behar dira; beraz, prozesuak ingurumen-inpaktu handia du.

ADDILANek balio erantsi handiko eta tamaina ertain-handiko osagaiak fabrikatzen ditu  sektore aeronautiko eta aeroespazialerako, eta ECO-START proiektuaren buru izan da. Bertan parte hartu dute IK-INGENIERIA ekodiseinuan espezializatutako aholkularitzak, TECNALIA zentro teknologikoak eta ACITURRI enpresak, Espainiako sektore aeronautikoko aitzindari nagusietako batek.

ADDILAN
HELBURUAK
  • Pieza metalikoen fabrikazioko industria-sektoreei alternatiba bat ematea, aurreformak (totxoak, galdaketak edo forjaketak) lortzeko egungo etapak ekarpen-tasa handiko fabrikazio gehigarriaren bidez fabrikatzeagatik ordezkatuz.
  • Arku eta hari bidezko fabrikazio gehigarriko teknologia (WAAM) inplementatzea. Arku-soldadurako prozesuak eta hari formako materiala konbinatzen ditu, kalitate handiko aurreformak eta 4:1etik beherako Buy to Fly ratioak lortzeko.
EMAITZAK
  • Titaniozko aleazio-pieza baten bizi zikloaren azterketak (BZA) erakusten du WAAM bidez fabrikatutako aurreformaren erabilerak % 60 murrizten duela piezaren fabrikazioaren ingurumen-inpaktua, eta, gainera, WAAM teknologiaren ingurumen-alderdiak, zeinak erabakigarriak baitira azken ingurumen-inpaktuan, hobetzeko aukera dagoela.
  • Hiru alternatiba desberdin garatzea geometria eta fabrikazio-estrategia aldatuz. Horien ondorioz, jatorrizko WAAM diseinuaren aldean, ingurumen-inpaktua % 15 murrizten da batez beste, eta % 70, bloketik abiatutako egungo mekanizazio-prozesuaren bidez pieza fabrikatzeari dagokionez. Emititutako CO2 baliokidearen tonei dagokienez, urtean 1.700 tona aurrezten dira.
  • Fabrikazioaren kostua eta denbora % 22 eta % 14 murriztea, batez beste, hurrenez hurren.
  • Mekanikoki ezaugarritutako prototipo-pieza bat fabrikatzea: lortutako piezak titaniozko blokeetarako arauak (AMS-4911) finkatutakoak baino propietate handiagoak ditu, eta forjaketetarako eskatutako balioetatik gertu dago (AMS-4928).
ONDORIOAK
  • ECO-STARTek frogatu du WAAM teknologia titaniozko osagai mekanizatuen fabrikazioaren alternatiba izan daitekeela, bloke, galdaketa eta forjaketetatik abiatuta. Ingurumen-inpaktua, fabrikazio-kostuak eta produkzio-denborak murrizten dira, eta, gainera, eskatutako eskakizun mekanikoak betetzen.
  • ECO-STARTen emaitzak enpresaren salmenta-akzioetan erabilitako merkataritza-katalogoei erantsitako dosier batean sartu dira.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK