ECOTUBO
DOITASUNEZKO ALTZAIRU KALIBRATUZKO HODIAREN BARNEALDEA ETA KANPOALDEA BABESTEA
HIJOS DE JUAN DE GARAYk doitasunezko altzairuzko hodiak egiten ditu, eta horien bilgarriaren bidez, hodiak biltegiratzean eta garraiatzean kalterik eta korrosiorik jasaten ez dutela bermatu behar da. Horretarako, gaur egun erabiltzen den bilgarria prestatzeko, babes-oliozko bainu bat ematen zaie hodiei, eta, ondoren, lehortu eta xukatu egiten dira. Azkenik, LDPE film birziklatu batekin ontziratzen dira. Enpresak hodiaren bizi-zikloaren barruan sartu du eragiketa hori, ekodiseinuaren bidez bilgarriaren ingurumen-inpaktua murrizteko eta bezeroari azken produktu jasangarriagoa eskaintzeko. Hala, bidalketa-etapa ere hobetu egiten da. ECOTUBO lehiakortasunaren hobekuntzarekin lerrokatzen da, produktu eta prozesu efizienteagoen bidez, 2020rako Ingurumen Esparru Programaren jarduketa-ildo gisa.
HIJOS DE JUAN DE GARAY da ECOTUBO proiektuaren buru, eta GAIKER zentro teknologikoaren laguntza izan du hura gauzatzeko.
MOTIBAZIO-FAKTOREA
HELBURUAK
- Hodiak babesteko sistemaren diseinuan ekodiseinuko metodologia txertatzea.
- Ingurumen-inpaktu txikiagoko lehengaiak erabiltzea.
- Hodiak babesteko eta ontziratzeko prozesuetan instalazioko ingurumen-inpaktuak murriztea.
- Hodien iraunkortasun handia bermatzea, baita ingurumen-baldintza txarretan ere.
EMAITZAK
- Bizi-zikloaren azterketa (BZA) baten bidez identifikatzea zer alderdik eragiten duten ingurumen-inpaktu handiagoa, eta prozesuaren jasangarritasuna areagotzen duten hobekuntza-estrategiak proposatzea: konposatu organiko lurrunkorren emisio lausoak ezabatzea, ontzi eta bilgarrien hondakin gutxiago sortzea, lehengai gutxiago kontsumitzea, erabilerraztasuna eta eraginkortasuna, eta bidalketa-etapa eta tratamendu ondoko etapa hobetzea.
- Hodia enbalatzeko eta babesteko bilgarri-sistema jasangarriagoa hautatzea azterketa horri esker: korrosio-inhibitzaileak dituen film bat, ingurumenarekiko errespetu handiagoa duena bizi-ziklo osoan, nahiz eta fabrikazio- eta banaketa-fasean inpaktu handiagoa izan.
ONDORIOAK
- Etorkizuneko jarduketa-estrategiaren oinarria bilgarri-sistema alternatiboa makinerian nola integratzen den aztertzea da, bai eta bezeroekin produktuaren azken kalitatea baliozkotzea ere. Sistema alternatiboa produktu garestiagoa da, eta eskulan gehiago eta denbora gehiago behar du; orduan, horrek prozesu globalean sor dezakeen botila-lepoa ebaluatu beharko da.
INGURUMENEKOA
TEKNIKOA
EKONOMIKOA
KOMERTZIALA
MERKATUAN
KOLABORATZAILEAK
