Kimikoak

Ihobe Eusko Jaurlaritza

VITRINET

BELAUNALDI BERRIKO BEIRA-ARASA EKODISEINATUA GARATZEA

Gasen beira-arasak kontrol elektronikoko sistema bat duten aireztapen-elementuak dira. Sistema horri esker, beira-arasa horren aireztapena aktiba daiteke erabiltzailearentzat arriskutsuak eta kaltegarriak diren gasak ateratzeko. Oinarrizko kontrola da, eta bere funtzioetan mugatua; izan ere, beira-arasen egungo diseinuak ez du aldaketa handirik izan azken 15 urteetan, azken aldi honetan izan diren abantaila eta funtzionalitate teknologikoak alde batera utzita: materialen hobekuntza, sistema elektronikoen aurrerapena, fabrikazio-makineriaren errendimendua eta zehaztasuna hobetzea, etab. Gasen beira-arasen fabrikazio-sektore osoa ildo beretik doa. Horregatik, aukera garrantzitsua da ekipamendu horien erabiltzaileen lan-baldintzak hobetuko dituen talde lehiakor bat garatzea.

BURDINOLA kooperatibaren jardueraren ardatza laborategiko proiektuen garapena da, eta horrek altzarien eta segurtasun-ekipamenduaren fabrikazio propioa barne hartzen du. BURDINOLA izan da VITRINET proiektuaren buru, eta, hura gauzatzeko, honako hauen laguntza izan du: ULMA EMBEDDED, manufakturan eta diseinu elektronikoan aditua den konpainia, eta MUKA diseinu-estudioa.

BURDINOLA
HELBURUAK
  • BURDINOLAk merkaturatutako azken belaunaldiko gasen beira-arasa-gama berri bat garatzea.
  • Materialen, fabrikazioaren eta garraioaren kostuak % 40 murriztea.
  • Beira-arasaren energia-kontsumoa monitorizatzea eta datuak lortzea, ondoren aztertu eta hobekuntza energetikoak proposatzeko, beira-arasaren energia-kontsumoa % 15eraino murrizte aldera.
  • Erabiltzailearen esperientzia hobetzea, eta, horretarako, mintzezko teklatu batetik ukipenezko TFT pantaila batera (HMI) igarotzea.
  • Urruneko abiaraztea ezartzea, obrara joan beharrik gabe.
  • Akatsak eta gorabeherak urrunetik monitorizatzea IoT (gauzen interneta) teknologien bidez, enpresa bezeroaren instalazioetara joan gabe, eta bertaratze-denbora egunetatik minutuetara murriztuz.
  • Gasen beira-arasaren segurtasuna hobetzea sentsore berriak gehituz. 
  • Laborategiaren segurtasun globala hobetzea, VOCak (konposatu organiko lurrunkorrak) eta konposatu arriskutsuak sentsoreen bidez urrunetik detektatzeko.
  • Gas-beira-arasaren arloan lidergo teknologikoa hartzea eta laborategiaren eremura eramatea, efizientzia, erabiltzailearen esperientzia eta, batez ere, segurtasuna ardatz gisa hartuz.
EMAITZAK
  • Gasen beira-arasa garatua eta osatua. Industrialki efizientea eta teknologikoki aurreratua da fabrikazioari, muntaiari, garraioari, prest jartzeari eta aldizkako mantentze-lanei dagokienez, eta argi eta garbi hobetu da lehiari dagokionez. 
  • Produktuaren ingurumen-adierazpenerako (PIA; ingelesez: EPD) informazioa eta dokumentazioa lortzea.
  • Materialen kontsumoa % 7,5 murriztea.
  • Muntaia-prozesua % 30 murriztea, sistemaren urruneko kudeaketari esker.
ONDORIOAK
  • VITRINET proiektu garrantzitsua izan da tokiko industria-bazkideekin elkarlanean aritzearen harira esperientzia lortzeko, hala nola ULMA EMBEDDEDekin irtenbide teknologikoen hornitzaile gisa lortutakoa. 
  • Hobekuntza operatibo nabarmenak lortu dira produktibitatean, fabrikagarritasunean, instalazioan eta mantentze-lanetan, eta, gainera, teknologikoki aurreratua eta laborategiaren merkatuan bereizgarria den produktu bat eskuratu da.
  • VITRINETen aplikatutako ekodiseinuak oso produktu efizientea, errentagarria eta bereizgarria sortu du metodologia gisa, eta industrializazio-fasea amaitu eta berehala merkaturatu da.

INGURUMENEKOA

TEKNIKOA

EKONOMIKOA

KOMERTZIALA

MERKATUAN

KOLABORATZAILEAK